 |
 |
Pan ddychwelodd Alika Rajput, ugain oed, o Tanzania ar ôl bod yno am wyliau efo'r teulu fe benderfynodd ddychwelyd yno i wneud gwaith gwirfoddol.
"Fe gefais fy synnu gan yr hyn a welais yno," meddai Alika. "Mae'r bobl yn hynod o dlawd a'u safon byw yn ddychrynllyd o isel. Dydy nhw'n meddwl
dim am gerdded saith milltir i chwilio am ddŵr. Serch hynny, maen nhw'n bobl hapus gyda gwen ar eu hwyneb bob amser. "
Allai hi ddim peidio â'u cymharu efo ni; mae gennym ni bopeth ond eto dydy hi ddim yn ymddangos ein bod hanner mor hapus a nhw. Ar y cychwyn, bydd yn byw efo teulu lleol yn Arusha sy'n un o'r trefi mwyaf yn Tanzania, a bydd yn gweithio mewn cartref i blant amddifad ar gyrion y dref. Yna, ar ôl chwe wythnos, bydd yn treulio pythefnos yn gweithio gyda llwyth y Masai. Dydy hi ddim yn siwr beth yn hollol fydd yn ei hwynebu yn ystod y cyfnod hwn ond fe
fydd gwirfoddolwyr eraill yn gwmni iddi. Efallai y caiff gyfle i ddysgu tipyn o Saesneg i'r brodorion, a helpu ychydig arnynt gyda dulliau modern o amaethu. Mae ganddi brofiad eisoes o weithio ar ffermydd organig yn Ewrop.
|
|
|
|
|
|
