Er gwaethaf hynny a rhwystrau eraill, glynodd pwyllgor y neuadd at y dasg.

Nawr, fel y gwelwch o'r llun, mae'r neuadd yn cymeryd siâp. Neu'n well fyth, ein 'canolfan'.

Gan fod 'neuadd bentref' yn aml yn creu darlun yn y meddwl o adeilad wedi ei esgeuluso, ar agor ambell noson yr wythnos yn unig. Rydyn ni am i'n hadeilad ni fod yn galon i'r gymuned, ar agor drwy'r dydd bob dydd.

Yr atyniadau fydd caffi (gyda theras), swyddfa bost rhan-amser, cilfach gwybodaeth twristiaid, cyfrifiaduron, (gyda chyswllt band-llydan, gobeithio) ac awditoriwm newydd syfrdanol lle byddwn yn trefnu sioeau a chyngherddau'n gyson. Ac wrth gwrs, fel yn yr henneuadd, fe fydd y ganolfan yn gartref i'r holl glybiau a grwpiau lleol.

Mewn ffaith, credwn y bydd gan Abergynolwyn yn fuan un o'r canolfannau cymdeithasol gorau yng Nghymru.

Cynlluniwyd ein canolfan wych gan Selwyn Jones o Pensel Cymunedol yn Llanrug, Caernarfon. Ac roeddem wrth ein bodd yn cael cynnig y contract i gwmni lleol, Chesworth Brothers, sydd wedi cyflogi is-gontractwyr lleol.

Mae'r cyfan yn cyd-fynd â'n dyhead i wneud i'r ganolfan newydd fod o fudd i'r economi leol yn ogystal ag yn gymdeithasol.

Dywed Michael Chesworth, sydd yn arwain y tîm adeiladaeth, efallai y byddwn yn barod i agor ym Mehefin, mewn pryd ar gyfer prysurdeb yr haf, ac wrth gwrs, y carnifal blynyddol.

Felly, unwaith y byddwn ar agor, dewch am dro i weld a mwynhau canolfannewydd Abergynolwyn drosoch eich hun.