Mae tua 40 o aelodau yn Llwyngwril yn cymryd rhan mewn rhaglen amrywiol o chwarae pŵl, i sgythru gwydr a theils, i chwarae tennis bwrdd, i greu patrymau ar lechen neu wydr plaen.

Yn sicr mae llawer rhiant wedi derbyn anrheg wedi ei bersonoli gydag enw neu gyfarchiad ar wydryn ail-law!

Cynllunir cardiau adeg y Dolig, y Pasg, dydd Ffolant a Suliau y Mamau a'r Tadau, ac wrth gwrs ar gyfer Noson Calangaeaf bydd pawb wrthi yn creu lanterni pwmpen.

Bydd pawb yn troi llaw at ddanteithion hawdd eu gwneud yn y gegin, prydau bach o lysiau a ffrwythau, a smwddis i'w hyfed.

Yn unol a'r Cwricwlwm Cenedlaethol ceir sesiynau mwy ffurfiol am beryglon gor-yfed, ysmygu a cham-ddefnydd o gyffuriau.

Cynhelir amryw o gystadleuthau clybiau yn lleol, ardal a sirol, ac mae'r clwb wedi profi amryw lwyddiannau ym myd y campau, yn ogystal cyn yr Ŵyl lle y gall aelodau gystadlu mewn gwaith llwyfan, crefft, cyfansoddi limerig - i enwi ond rhai gweithgareddau.

Arweinydd ymroddgar a brŵd y Clwb yw Garth Jones, sy wedi bod wrth y llyw ers blynyddoedd maith.

Bydd y syniadau am raglan y tymor yn dod o'r aelodau ac mae Garth bob amser yn barod I gydnabod ymddygiad parchus a chefnogaeth yr ieuenctid.