Llwyddiant i'r fro Ionawr 2006 Cafodd ardal y DAIL le amlwg yn noson gwobrwyo Eryri Gynaladwy y Parc Cenedlaethol a gynhaliwyd ym Mhlas Tanybwlch ddechrau'r mis diwethaf.
Lleolwyd tri chywaith ymysg y prif wobrau gan gynnwys:
Canolfan Abergynolwyn - a dderbyniodd gymeradwyaeth uchel iawn am y gwaith o gynllunio a dylunio.
Coedlan Dolgoch - a dderbyniodd ganmoliaeth uchel iawn am y gwaith o ail adfer yr ardal ar gyfer denu pobl i fwynhau'r amgylchfyd.
Fferm Tanycoed, Abergynolwyn - cyfraniad arbennig am gymenu a thwtio cloddiau cerrig.
Aeth pum mlynedd heibio ers i'r gystadleuaeth gael ei chynnal o'r blaen, ac roedd Mr Caerwyn Roberts, Cadeirydd y Parc, mor fodlon fod cymaint wedi dangos diddordeb.
"Mae tuedd i feddwl fod y Parc ei hun yn negyddol ei ffordd trwy atal cynllunio, ond mae cystadleuaeth fel hon yn dangos yn glir ein bod ni bob amser yn barod i gefnogi cyweithiau sy'n parchu'r amgylchfyd ond yn cynnal safonau uchel o adeiladu yr un pryd "
Mae'r DAIL yn falch o gydnabod a diolch i bawb a fu mor gefnogol i'r cyweithiau ac yn eu llongyfarch ar y llwyddiant a ddaeth i'w rhan.
Aeth pum mlynedd heibio ers i'r gystadleuaeth gael ei chynnal o'r blaen, ac roedd Mr Caerwyn Roberts, Cadeirydd y Parc, mor fodlon fod cymaint wedi dangos diddordeb. 
