Hoffwn ar ran y clwb ddiolch i Mair, Fronnewydd am gynnal noson yn sôn am ei gwaith yn ymwneud gyda gyrfaoedd yng Nghymru. Cawsom wahanol weithgareddau difyr oedd yn gwneud i ni feddwl llawer.

Ar ôl hir drefnu am leoliad ein cinio eleni, aethom i Westy Fronolau, Dolgellau. Roedd hi'n noson ddigon hwyliog rhwng pob dim. 'Holed pob dyn ef ei hun' (a'r merched hefyd o ran hynny)!

Cawsom noson ddifyr iawn o fewn y clwb gyda'r milfeddyg, Edward Williams, Dolaugwyn yn sôn am y gwahanol afiechydon sydd yn effeithio'r byd amaeth.

I ysgafnhau dipyn ar weithgareddau'r Sir, aeth llond Peugeot 406, 2.0i, Turbo, Silver, Luxury, Estate i 'steddfod dafarn yng Nghlwb Golff Bala. Does neb tebyg i Meyrick am fyta orenjis a neb gwell na Tudor am eu pilio nhw. Gwyliwch allan am Edwin Nant ar y rhaglen nesaf o Wawffactor, mae'n siwr o greu argraff! Does neb tebyg i Angharad am fwyta crisps, ond ddim o baced y tro yma?! Daeth deuawd swynol Siôn a Angharad i'r safle cyntaf, er mai Siôn oedd y syprano, ac Angharad yn faswr, crefft anodd iawn ei meistroli. Er mai dim ond criw bach wnaeth lwyddo i fynd, cawsom lond bol o chwerthin a llwyddo i ddod yn ail o fewn y sir. ('drwy ddirgel ffyrdd').

Taith ddirgel wedi ei threfnu gan Ruth a Janet oedd yn y clwb yr wythnos ganlynol. Cychwyn o Fryncrug, mlaen drwy Dalyllyn, troi i'r chwith yn Cross Foxes, i'r dde am Brithdir, ac ymlaen i'r Bala, 'n de wa! Cyn cyrraedd pen y siwme yn yr Ewe-phoria, yn Llangwm, gyda Aled Owen.

Cawsom arddangosfa cŵn a defaid a phryd o fwyd blasus iawn cyn dychwelyd adref. Cafwyd cynrychiolaeth dda o'r clwb yng nghystadleuaeth Siarad Cyhoeddus y Sir, yng Ngholeg Meirion-Dwyfor, Dolgellau. Llwyddodd y tîm dan 21 i ddod yn 1af a dan 26 i ddod yn 3ydd. Dewisiwyd Edward a Angharad, Caerberllan i fynd ymlaen i gynrychioli'r sir yng Nghymru.

Yn ystod yr wythnosau diwethaf mae criw bach o fewn y clwb, sef Sioned, Angharad, Robat, a Siôn, wedi bod yn ceisio dysgu drama ar gyfer cystadleuaeth dramâu y Sir yn Nhrawsfynydd gyda Hyw, Marchlyn yn ceisio ein dysgu. I gychwyn roedd rhaid cael gafael mewn 'props', prynu 'sideboard' am £1 yn Nolgellau. Cael gwely gan Dyfrig Farmers Marts, oedd wedi pasio ei 'sell by date', (y gwely dim Dyfrig!), Twin Seater Seti o Erwfaethlon. Sgrîn o Benmaendyfi, gyda manion o fanhyn a fandrew!

Cawson ymweliad un noson gan actor pur enwog i roi Manon ar hwyl gyda'r coluro. Anodd iawn yw gwneud wynebau pedwar mor dlws i edrych oddeutu'r trigain oed, er hyn llwyddodd Manon yn wych. Rhaid oedd certio yr holl offer i Drawsfynydd noson y gystadleuath. Tudor oedd yng ngofal hyn gyda'r Land Rover a'r Trailer Ifor Williams yn llawn ir ymylon. Cwmtirmynach ddaeth i'r brig ar y noson gyda Bryncrug yn ail, agos iawn, iawn, iawn.. .iawn! Llongyfarchiadau i Angharad (Sera) ar ennill tlws am yr actores orau ar y noson. Mae'n siwr fod o wedi bod o help mawr iddi glosio dan y dwfe at Gruffudd John!

Perfformiwyd 'Gwirion Hen' yn Llanegryn yn ddiweddar, fel y gŵyr y rhai ohonoch ddaeth i'n cefnogi. Y nos lau ganlynol, roeddem wedi cael ein gwahodd i Gwmtirmynach i berfformio. Cychwyn o Minffordd am 6yh, a hithau yn dechrau bwrw eira. Gwaethygu yn y Brithdir, erbyn cyrraedd Bala, roedd hi'n gwynnu yn arw, a phenderfynu troi am adre, ar ôl i Sioned a Siôn gael ffeit peli eira tu allan i'r Ganolfan Hamdden!

Diolch i bawb sydd wedi ein helpu an cefnogi dros fisoedd y gaeaf. Hwyl a ta-ra tan toc!