 |
 |
|
Holi Hwn a'r Llall
Medi 2004
Holi Roger Owen, swyddog gyda Dŵr Cymru, sy'n byw ym mhentref Llanbedr. |
|
|
|
Enw: Roger Owen.
Cefndir: Wedi fy ngeni yn Bermo a wedyn cael fy magu yn Pant Glas, Dyffryn Ardudwy. Yn bedair ar ddeg oed symud i Pen Bryn, Llanbedr. Heddiw yn byw yn y pentref gyda'r wraig, Janet, a thri o blant - Ceri, Catrin a Geraint. Gweithio gyda Dŵr Cymru/Severn Trent LABS yn mynd o gwmpas Gogledd cymro a bellach weithiau yn hel samplau dwr i'w gyrru i'r labordy i'w dadansoddi a gweld gwir ansawdd y dŵr yfed.
Hoff le: Ardal Ardudwy i fyny yn y bryniau, mynyddoedd a'r llynnoedd.
Hoff liw: Gwyrdd.
Hoff fwyd: Cinio dydd Sul.
Hoff ddarn o gerddoriaeth: Ar hyn o bryd, y thema i Schindler's List. Gyda'r Côr - Gwahoddiad. Amryw o fandiau pres.
Pa adeg o'r dydd sydd orau gennych? Bore cyntaf ar ddiwrnod braf yn y gwanwyn.
Pa fath o ganu fyddwch chi'n ei hoffi? Canu gwlad, canu gwerin a chlasurol.
Beth ydych chi'n ei gario efo chi? Cyllell boced, 'goriadau'r tŷ a'r fan a digon o bres am banad.
Hoff amser o'r flwyddyn? Gwanwyn, yn gweld bywyd newydd yn datblygu a phob anifail gwyllt yn brysur yn paratoi at fagu.
Hoff anifail? Anodd iawn i ddewis o anifeiliaid fferm ond buaswn yn hoffi'n fawr cael gweithio gyda cheffylau gwedd.
Beth wnaethech chi efo £5,000? Ei gadw i baratoi at y plant yn mynd i Goleg neu Goleg Uwchradd ond, gwario dipyn bach ar westy moethus am benwythnos i fi a Janet.
Sut ydych chi'n treulio eich amser hamdden? Beth ydy oriau hamdden? Gwaith coed - ffidlan gyda pheiriannau a hen dractors, ar benwythnos prysur yr haf mynd a'r plant am bryd o fwyd i fyny at Bodlyn a mwynhau'r heddwch.
Pa atgofion sydd gennych o fod yn yr ysgol? Adeg hapus a llawn o hwyl. Y wers orau rwyf wedi ei dysgu ar ôl gadael ysgol yw - dylwn fod wedi canolbwyntio ar waith ysgol a choleg yn lle mwynhau fy hun.
Pryd ac ymhle y buoch chi hapusaf? Hapus yn ardal Ardudwy.
Pwy ydych chi'n ei edmygu yn yr ardal hon? Evan a Gweneira, Allt Goch.
Pwy yw eich arwr? Y chwaraewr rygbi Gareth Edwards.
Beth sy'n eich blino chi neu yn eich gwylltio chi? Graffiti a baw cŵn ar y pafin.
Tasech chi'n mynd allan i ginio, pwy fase'n cael dod efo chi? Fred Dibnah - diddordeb mewn peiriannau stêm a Harry Ferguson datblygwr tractors Massey Ferguson, am sgwrs ddifyr, wedyn am hwyl Garry Williams, comedïwr a Tommy Cooper, comedïwr i glirio llestri.
Beth fyddech chi yn ei gael i fwyta? I gychwyn, cymysgedd o salad ffa a chaws, wedyn cig eidion wedi ei dorri mewn llafnau tenau a'i ffrïo mewn saws whisgi a hufen efo tatws newydd a llysiau. I bwdin tarten eirin Mair a cwstard cartref.
Sut y buasech yn disgrifio eich eich hun ar hyn o bryd? Yn fodlon efo bywyd ar hyn o bryd yn ffodus bod pawb yn y teulu yn iach ac yn fodlon eu byd. Yn ffodus cael byw mewn ardal mor hyfryd ond dim yn cael digon o amser i'w mwynhau. Amser yn brin a chymaint i wneud ond yn diolch am bob dydd.
|
|
|
|
|
|
