"Yr hyn sy'n wych am Arthur ydi na wnaeth o ddim chwerwi ar ôl y saethu," meddai Marian Elis cynhyrchydd y rhaglen sy'n rhan o'r gyfres O'r Galan, am bobl sydd wedi bod trwy brofiadau dirdynnol.

"Wnaetho jest derbyn pethau am nad oedd y dyn saethodd o yn ei iawn bwyll. Mae o'n byw bywyd llawn ac yn gwneud llawer i helpu eraill sy'n yr un sefyllfa a fo."

Ar noson olau leuad ym mis Awst 1961 y digwyddodd y saethu, pan oedd y plismon ifanc yn stopio a holi pobl i geisio atal achosion o ddwyn yn y canolbarth.

Mi gafodd ei saethu gan ddyn oedd yn llechu yn y cysgodion mewn gardd a chael ei ddallu'n syth.

Ar ôl hynny cafodd gefnogaeth yr heddlu i ddod i delerau a'i anabledd - gydag un swyddog yn cael ei ryddhau'n arbennig i'w helpu. a chael swydd sifil yn y gyfnewidfa ffôn yng Nghaernarfon.