Eleni, mae un cwpl yn ei barti â chysylltiadau â Harlech. Fe ymfudodd eu teulu i Utah ym 1864, ond gadwyd y ddau blentyn hynaf ar ôl yng Nghymru. Roeddent wedi priodi ac yn magu teuluoedd, felly'n amharod i godi gwreiddiau a mynd.

Priododd y ferch hynaf, Jane, ag Edward Humphreys, teiliwr yn Harlech.

Roedd yn aelod gyda'r Bedyddwyr yng Nghapel Rehoboth, ac yn faswr mewn côr, bu ef farw ym 1886, ac ar ôl ei farwolaeth, cymerodd Jane waith fel rhyw fath o ofalwraig yng Nghastell Harlech. Bu hi farw yn 91 oed, yn 1919.

Roedd ganddynt 11 o blant: Robert, Mary, Margaret, Humphrey, Hugh, Edward, Jane Elizabeth, Hannah, Edward Owen, Laura a Griffith. A dyna'r cyfan mae'r Athro Dennis yn ei wybod am y teulu.

Mae'n siŵr fod disgynyddion yn Harlech o hyd, ac mi fyddai wrth ei fodd yn clywed oddi wrthynt neu oddi wrth rywun sy'n gwybod amdanyn nhw. Ei gyfeiriad e-bost ydy: welshmormon@yahoo

Ei fwriad fyddai eu gwahodd ym mis Medi i hen gartre Jane a'i theulu yn Eglwysbach, Llanrwst, i gyfarfod â'u cefndryd o Salt Lake City, a dadorchuddio plac i gofio am antur fawr y teulu, pan aeth tad a mam a chwech o blant i gartre newydd yn y Gorllewin Gwyllt. Mae hanes yr antur enbyd honno i'w chael ar wefan yr Athro Dennis ar http://welshmormonhistory.org