Braf yw cael adrodd am lwyddiant un a fagwyd yn ein plith. Bu Jonathan yn ddisgybl yn Ysgol Gynradd Dyffryn Ardudwy a bydd yn eistedd ei brofion diwedd blwyddyn 9 ym mis Mai yn Ysgol Ardudwy, Harlech.

Cychwynnodd diddordeb Jonathan ym myd gymnasteg pan yn 7 mlwydd oed. Ar ôl clywed am lwyddiant y Clwb Gymnasteg ym Mlaenau Ffestiniog cysylltodd rhieni Jonathan â Mrs Linda Dodd sydd yn hyfforddi yno. O dan ofan ac arbenigedd Mrs Linda Dodd a'i thîm datblygodd brwdfrydedd a dyfalbarhad Jonathan.

Buan iawn y datblygodd Jonathan i deithio i gystadlaethau ledled Cymru a bu rhaid ymarfer yn gyson 3 gwaith yr wythnos ym Mlaenau Ffestiniog ac unwaith neu ddwywaith yr wythnos yng Nglannau Dyfrdwy.

Rhaid i ni yma edmygu parodrwydd teulu Jonathan i'w hebrwng dros y wlad gan dalu'r holl gostau.

Rydym mor falch bod gan Jonathan ddiddordeb ac yn barod i weithio", oedd sylw Mrs Karen Greenfield, mam Jonathan.

Braint yw gweld ieuenctid ein bod yn llwyddo fel hyn ar ôl gweithio'n galed. Mae chwaer Jonathan â diddordeb yn y maes; hwyrach y gwelwch y ddau ar y brig yn cystadlu gyda'i gilydd yn yr adran acrobat.Jonathan a Jodie dymuniadau gorau gyda'r cystadlu yn y dyfodol.