 |
Fore Sadwrn,10 Mai dyma 28 o feicwyr yn ymgynnull eto o flaen Eifionydd Farmers, y rhan fwyaf o'r criw yn hen ffyddloniaid, ac yn eu plith ambell i wyneb newydd dewr! Ar ôl rhannu gofidiau am y daith o'n blaenau, tynnu lluniau a sgwrsio efo criw o gefnogwyr - dyma gychwyn ar yr her!
O Benygroes, a thrwy Dalysarn a Nantlle yn un criw ffres, a'r tywydd yn ffafriol iawn ar gyfer y
daith. Dau yn arwain y ffordd mewn Golf gwyllt. Wrth dynnu i fyny allt droellog, hir, serth Drws-y-Coed, dyma wasgaru'r criw a'i gwneud yn amlwg pa feic a fu'n segur yn y sied ers blwyddyn!
Free wheel wedyn a sbel fer yn Rhyd-ddu i bawb ailymgynnull cyn troelli ymlaen am Fetws Garmon. Dwy mewn fan tu ôl i'r criw yn rhybuddio'r gyrwyr diamynedd fod beicwyr ar y Iôn. Cafwyd croeso a phaned yn y Snowdon Park Hotel yn y Waunfawr, ac ar ôl i bawb gael ei wynt ato, ail gychwyn i gyfeiriad Llanrug.
Dyma groesi'r sgwâr yn ddiogel a dringo allt serth eto ar gyrion Penisarwaun. 'Roedd pawb yn falch o'r dwr a'r rhew ym Mhen y Gaer, cyn pedlo 'mlaen tua Phentir. Pam, tybed, bu i rai fod
yn hir yn cyrraedd y bwrdd cinio ym maes parcio'r Vaynol Arms? Sat Nav y beic wedi drysu?! Erbyn hyn 'roedd pawb yn ddiolchgar iawn am y wledd oedd yn eu haros, ac ambell un yn torri syched gan fod yr haul wedi ymddangos!
Lôn fach ddieithr nesa, o Bentir i'r Felinheli, a gwair i lawr canol y ffordd, cerrig rhydd, beics yn bowndio a lot o ysgwyd! Allan ar waelod Nant y Garth ac ymlaen trwy'r Felinheli ar hyd y trac. Heibio Plas Menai a'r hen Ferodo ac anelu tuag at y Bachgen Du!
Rhaid oedd cael llymaid yn y gwres.
Trwy'r twnnel 0o Gaernarfon ar hyd Lôn Eifion, a blas mwy yn hwb i'r rhan fwyaf i bedlo'n gynt tuag adref a'r Goat ym Mhenygroes. Braf oedd gweld y criw croesawus ar y bont. Braf hefyd oedd cael ymlacio a mwynhau ar ôl taith lwyddiannus.
Bore Sul, 11eg Mai Sawl un o'r 28 oedd yn dioddef fore heddiw tybed? Beth oedd waethaf - y
pen-ôl poenus neu'r penmaenmawr?
Dyna'r cwbl drosodd am flwyddyn arall, yr holl ymdrech a'r chwysu, a'r arian a gasglwyd tuag at achos teilwng iawn.
Diolch yn fawr iawn i bawb a tu'n ymwneud a'r daith feics mewn unrhyw ffordd.
|
|
