Ar 7fed o Fai cafwyd gwledd o adloniant yn Ysgol Gynradd Llanrug gan Martin John a'r grwpiau Dynamic a TNT. Bu'r aelodau yn brysur yn dawnsio, canu a chasglu llofnodion y sêr.

Cafwyd Bingo hynod o lwyddiannus yn Ysgol Gymuned Penisarwaun ar nos Fercher, 14eg Mai. Diolch i'r aelodau ac i drigolion Penisarwaun am gefnogi a diolch mawr i Anti Janet am alw'r Bingo mor broffesiynol ac i'r Jocars am dynnu coes!

Nos Iau 15fed Mai gwelwyd aelodau di-flino Rygarug ac eraill yn Ysgol Gwaun Gynfi, Deiniolen ar gyfer Noson o Ddawns a Disgo. Cafwyd perfformiadau gan Rachel Ward, Dawnswyr Deiniolen ac unwaith eto aelodau'r sesiynau Drama a fu'n diddanu'r gynulleidfa gyda'u jocs. Bu Cwmni Da yn ffilmio'r noson ar gyfer cyfres o 6 rhaglen deledu ar Ddeiniolen. Diolch i Tecwyn Jones am ddarparu'r disgo ac i drigolion Deiniolen am noson werth chweil!

Fel y gwelwch mae bywyd aelod Rygarug yn un prysur dros ben. Mae Rygarug wedi cael blwyddyn gyffrous a hynod o lwyddiannus. Diolch i bawb am gefnogi ac yn arbennig diolch i'r holl diwtoriaid am rannu eu gallu, eu hamynedd a'u hamser.

Ac i gloi dymuniadau gorau i'r Grwp Stepio a fydd yn teithio i Eisteddfod yr Urdd Tawe, Nedd ac Afan i gystadlu ar 31 Mai.