’جبری گمشدگیوں کے متاثرین کا غم کوئی لطیفہ نہیں‘
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
وفاقی وزیر علی حیدر زیدی نے ٹوئٹر پر اپوزیشن جماعت مسلم لیگ ن کے رہنماؤں مریم نواز اور حمزہ شہباز کی تصویر شیئر کرتے ہوئے یہ لکھا ہے کہ ’لاپتہ افراد کے اہل خانہ پھر سڑکوں پر موجود ہیں۔‘
اس پر ردعمل دیتے ہوئے سماجی کارکن جبران ناصر کا کہنا تھا کہ ’حکمران جماعت فطرتاً جگت باز صحیح مگر جبری گمشدگیوں کے متاثرین کا غم کوئی لطیفہ نہیں۔
’یہ ان ماؤں بیویوں بہنوں اور بیٹیوں کی توہین ہے جو سالوں اپنے لاپتہ پیاروں کی تصویر اٹھائے ریاست سے سوال پوچھنے کی جرأت کرتی ہیں۔
’مظلوم کی مظلومیت کا مذاق اڑانے والے خود ایک دن مذاق بن جائیں گے۔‘
خیال رہے کہ مریم نواز اور حمزہ شہباز ن لیگ کے اس قافلے کی قیادت کر رہے ہیں جو مہنگائی مارچ کے سلسلے میں لاہور سے اسلام آباد روانہ ہوا ہے۔
