Qarabağ müharibəsi: Humanitar atəşkəs və Gəncəyə hücumlar – baş verənlərin xronogiyası
Azərbaycan Respublikası və Ermənistan Respublikası 18 oktyabr, yerli vaxtla saat 00.00 dan etibarən müvəqqəti humanitar atəşkəsə razılıq veriblər. Azərbaycan Müdafiə Nazirliyi bu gün səhər sübhdən Ermənistan tərəfinin atəşkəsə əməl etməməsilə ilə bağlı məlumat yayıb.
Canlı reportaj
"Erməni əsirlərlə" bağlı olduğu deyilən görüntülər "saxtadır" - Baş Prokurorluq
Baş Prokurorluq bildirib ki, "guya Azərbaycan hərbçilərinin erməni əsirlərinə qarşı qanunsuz davranışları ilə bağlı və guya azərbaycanlı həkimlərin yaralılara qarşı laqeyd münasibət göstərmələrini əks etdirən" videolarla əlaqədar "araşdırma aparılıb və onların saxta olması müəyyən edilib".
"Bildiririk ki, beynəlxalq ictimaiyyətin diqqətini cəlb etmək məqsədilə ermənilər tərəfindən səhnələşdirilən bu tipli videolar təxribat xarakteri daşıyır. Videoların Azərbaycan hərbi qulluqçularının döyüş fəaliyyətinə, o cümlədən cəmiyyətimizə heç bir aidiyyəti yoxdur", qurum qeyd edib.
Baş Prokurorluq Azərbaycan vətəndaşlarından belə videoları ictimailəşdirilməməyi xahiş edib.
Ermənistan Ombudsmanı dünən "erməni əsirlərə" aid olduğu iddia olunan görüntülərlə bağlı Azərbaycan Ordusunu ittiham edib.
Azərbaycan Müdafiə Nazirliyi də görüntüləri "saxta" adlandırıb.
Təcili xəbər, İlham Əliyev: "Xocavənd rayonunun Xırmancıq, Ağbulaq, Axullu kəndləri işğaldan azad edilib"
"Azərbaycan Ordusu tərəfindən Xocavənd rayonunun Xırmancıq, Ağbulaq, Axullu kəndləri işğaldan azad edilib. Eşq olsun Azərbaycan Ordusuna! Qarabağ Azərbaycandır!", - Azərbaycan Prezidenti İlham Əliyev öz Twitter hesabında yazıb.
Bu məqalədə X məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl X kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".
Xəbərdarlıq : BBC kənar saytların məzmununa görə cavabdeh deyil.
Paylaşımın sonu X
Zohrab Mnatsakanyan: “İndiyədək 32 mülki şəxs həlak olub, 106 nəfər yaralanıb”
Şəklin mənbəyi, Zohrab Mnatsakanyan
Ermənistan tərəfi müharibə nəticəsində indiyədək azı 32 mülki insanın həlak olduğunu, 106 nəfərin isə yaralandığını açıqlayıb.
Bu barədə Ermənistan xarici işlər naziri Zohrab Mnatsakanyan cümə günü Yerevanda Yunanıstan xarici işlər naziri Nikos Dendiasla mətbuat konfransında bildirib.
O qeyd edib ki, yaralıların 86 nəfərinin vəziyyəti ağırdır.
Nazir həmçinin bildirib ki, 6 nəfər 10 oktyabr humanitar atəşkəsindən sonra həlak olub.
Mnatsakanyan iddia edib ki, Azərbaycan hərbi obyektlərlə mülki
yaşayış məntəqələri arasında fərq qoymur.
Azərbaycan bəyan edib ki, hərbi əməliyyatlar zamanı heç bir yaşayış məntəqəsi, mülki şəxs
və ya dini-tarixi abidələr hədəfə alınmır.
Atəşkəsdən sonra Azərbaycan tərəfdən azı 15 nəfər həlak olub. Ümumilikdə isə, sentyabrın 27-dən bəri 47 mülki şəxs həlak olub, 222 nəfər yaralanıb, Baş Prokurorluq bildirib.
Azərbaycan və Ermənistan güzəştə gedəcəkmi? Bakı və Yerevanın “qırmızı xətti” nədir?
Şəklin mənbəyi, Ria Novosti
Azərbaycan Prezidenti İlham Əliyev və Ermənistanın Baş naziri Nikol
Paşinyan Dağlıq Qarabağ münaqişəsinin həllində gedə biləcəkləri güzəştdən və “qırmızı
xətdən” danışıblar.
Rusiyanın Ria Novosti agentliyi üçün “Rossiya Seqodnya Beynəlxalq
İnformasiya Agentliyi” media qrupunun baş direktoru Dmitri Kiselyov hər iki ölkə
liderindən soruşub ki, onlar hansı güzəştə hazırdılar və elə bir hədd varmı ki,
onlar heç
bir halda həmin həddən geri çəkilməzlər?
İlham Əliyev deyib ki, Ermənistan qüvvələri Azərbaycan ərazisindən
“dərhal, tamamilə və qeyd-şərtsiz” çıxarılmalıdır: “Qırmızı xətlərə” gəldikdə
isə biz bunu çox dəqiq bəyan etmişik və Minsk qrupunun həmsədrləri bunu yaxşı
bilirlər. Azərbaycanın ərazi bütövlüyü heç bir şərtlə pozula bilməz. Azərbaycan
Dağlıq Qarabağın müstəqilliyinə heç bir şərtlə razılıq verməyəcək. Lakin, eyni
zamanda, bizim təklifimiz buna əsaslanırdı ki, gələcəkdə Dağlıq Qarabağ ərazisində
erməni icması və Azərbaycan icması dinc yanaşı yaşamalıdır”.
Nikol Paşinyan deyib ki, onlar üçün “qırmızı hədd” “Qarabağ
xalqının öz müqəddəratını təyinetmə hüququdur”. Baş nazir bildirib ki, Moskva bəyanatında
konkret danışıqlar prosesinin necə bərpa edilməsi barədə konkret addımlar
razılaşdırılıb və bu razılaşdırma altında artıq konkret addımlar qeyd olunub. “Biz
Dağlıq Qarabağ problemini həll etmək üçün bu addımları atmağa hazırıq. Biz bu
cür kompromislərə hazırıq. Biz Azərbaycanın hazır olduğu proporsional
kompromislərə hazırıq,” – o əlavə edib.
Azərbaycan Prezidentinin köməkçisi Hikmət Hacıyev Ermənistan Baş naziri Nikol Paşinyanın "dünya ermənilərinin Avropada avtomobillər yollarını bağlaması" barədə tvitinə şərh yazıb.
"Ermənistan hökumətinin təhriki ilə erməni lobbi qrupları Avropa şəhərlərində əsas yolların hərəkətini pozur, insanlar üçün çətinliklər yaradır, iqtisadiyyata zərər vurur və COVID-19-u yayırlar. Ermənistan bu cür təxribatlara əl atmaq yerinə Azərbaycan torpaqlarının işğalına son qoymalıdır", o deyib.
Bu məqalədə X məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl X kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".
Xəbərdarlıq : BBC kənar saytların məzmununa görə cavabdeh deyil.
Paylaşımın sonu X
Paşinyan: "Ermənilər Avropada dövlətlərarası avtomobil yollarını bağlayıblar"
Ermənistan Baş naziri Nikol Paşinyan Twitter-də yazıb ki, xarici ölkələrdə yaşayan ermənilər "həmişəki kimi birləşərək Artsaxın" (tanınmamış "Dağlıq Qarabağ Respublikası") beynəlxalq tanınması tələbilə Avropada dövlətlərarası avtomobil yollarını bağlayıblar.
Onun sözlərinə görə, belə aksiyalar Fransadan İspaniyaya, Belçikadan Hollandiyaya, Danimarkadan Almaniyaya, İsveçrəyə və daha çox [yerlərdə] keçirilib.
Bu məqalədə X məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl X kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".
Xəbərdarlıq : BBC kənar saytların məzmununa görə cavabdeh deyil.
Paylaşımın sonu X
Tərtər: Həlak olanların dəfn mərasimləri axşam vaxtı keçirilib - fotolar
Tərtərdə həlak olanların dəfn mərasimləri qəbiristanlığa mümkün hücumlardan qorunmaq üçün axşam saatlarında keçirilib.
Bu barədə fotolar yayılıb.
Ötən gün Tərtərdə qəbiristanlığın atəşə tutulması nəticəsində 4 nəfər həlak olub, 4 nəfər yaralanıb.
Oktyabrın 15-də Qafqaz Müsəlmanları İdarəsinin rəsmisi bildirib ki, “Tərtərdə dəfni aparan molla, qəbiristanlıq işçisi də yaralıdır”.
Şəklin mənbəyi, Getty Images
Şəklin mənbəyi, Getty Images
Hikmət Hacıyev: "Ermənistan münaqişənin coğrafi əhatəsini genişləndirməyə çalışır"
Azərbaycan Prezidenti Hikmət Hacıyev deyib ki, Ermənistan Ordubada raket hücumu ilə "münaqişənin əhatəsini genişləndirməyə çalışır".
O, bu barədə Twitter hesabından yazıb.
"Ermənistan Naxçıvanın Ordubad bölgəsinə raket hücumu edib. Bu, Ermənistanın bütün yollarla münaqişənin coğrafi əhatəsini genişləndirməyə çalışdığına dəlalət edir. Hərbi əməliyyat teatrının xaricində Azərbaycan şəhərlərinə raket atəşi açılır. Bütün məsuliyyət Ermənistanın üzərinə düşür".
Bu məqalədə X məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl X kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".
Xəbərdarlıq : BBC kənar saytların məzmununa görə cavabdeh deyil.
Paylaşımın sonu X
Putin Təhlükəsizlik Şurasının üzvləri ilə "Qarabağdakı vəziyyəti müzakirə edib"
Şəklin mənbəyi, TASS/Rusiya Prezidentinin mətbuat xidməti/Aleksey Drujinin
Rusiya Prezidenti Vladimir Putin Rusiya Təhlükəsizlik Şurasının daimi üzvləri ilə Dağlıq Qarabağ münaqişəsini müzakirə edib.
RİA Novosti agentliyi yazır ki, bu barədə Prezidentin mətbuat katibi Dmitri Peskov bildirib.
Ermənistan Parlamenti "türk mallarına qadağa" barədə qanun layihəsinə baxacaq
Ermənistan parlamentinə 2021-ci ilin yanvarından etibarən ən azı 6 ay müddətinə Türkiyədən mal idxalının müvəqqəti qadağan edilməsi barədə qanun layihəsi təqdim edilib.
Bu planlar Türkiyənin Qarabağ müharibəsində Azərbaycana verdiyi dəstəklə əlaqədardır.
Türkiyənin bu barədə şərhi hələlik məlum deyil.
Ermənistan Ordubada raket atılması məlumatını təkzib edib
"Ermənistan tərəfindən Naxçıvan Muxtar Respublikası istiqamətində heç bir zərbə olmayıb", öz Facebook səhifəsində nazirliyin mətbuat katibi Şuşan Stepanyan məlumat verib.
Stepanyan məlumatı "yalan" adlandırıb və Azərbaycanı "döyüş əməliyyatlarının coğrafiyasını genişləndirmək" cəhdində ittiham edib.
Azərbaycan Müdafiə Nazirliyi qarşı tərəfin bu gün, saat 10:44-də işğal olunmuş Qubadlı rayonu ərazisindən əməliyyat-taktiki raket atdığını və bu raketin Naxçıvan Muxtar Respublikasının Ordubad rayonu ərazisində partladığını açıqlayıb və görüntülər yayıb.
Azərbaycan MN: "Ermənistan silahlı qüvvələri Ordubada raket zərbəsi endirib"
Şəklin mənbəyi, Azərbaycan Müdafiə Nazirliyi
Azərbaycan Müdafiə Nazirliyi bildirib ki, bu gün saat 10:44-də Ermənistan silahlı qüvvələrinin atdığı əməliyyat-taktiki raket Naxçıvan Muxtar Respublikasının Ordubad rayonu ərazisində partlayıb.
Qurum bildirir ki, erməni tərəfi raketi işğal olunmuş Qubadlı rayonu ərazisindən atıb.
Nazirlik dinc sakinlərə və mülki obyektlərə zərər dəymədiyini açıqlayıb.
Şəklin mənbəyi, Azərbaycan Müdafiə Nazirliyi
Təcili xəbər, "Goranboy, Tərtər, Ağdam, Ağcabədi və Füzuli atəşə tutulur"
Azərbaycanın Müdafiə Nazirliyi bildirib ki, Ermənistan silahlı qüvvələri Azərbaycanın Goranboy, Tərtər, Ağdam, Ağcabədi və Füzuli rayonlarını atəşə tutmaqda davam edir.
Xocavənd rayonunun azad edilən kəndləri - Müdafiə Nazirliyinin videosu
Azərbaycan Müdafiə Nazirliyi Xocavənd rayonunun işğaldan azad olunan kəndlərinin video görüntülərini paylaşıb.
Bu məqalədə Google YouTube məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl Google YouTube kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".
Xəbərdarlıq : BBC kənar saytların məzmununa görə cavabdeh deyil. YouTube məzmununda reklam ola bilər.
Paylaşımın sonu YouTube
Azərbaycanın Təhsil naziri: "40-a yaxın məktəb dağıntılara məruz qalıb"
Şəklin mənbəyi, Azərtac
Ermənistan silahlı qüvvələrinin hücumları nəticəsində sentyabrın 27-dən 40-a yaxın məktəb dağıntılara məruz qalıb, Təhsil naziri Emin Əmrullayev deyib.
Nazir Operativ Qərargahın oktyabrın 16-da keçirilən brifinqində bildirib ki, mülki əhaliyə hücumlar nəzərə alınaraq ölkə ərazisində 1221 məktəbin fəaliyyəti dayandırılıb.
Emin Əmrullayev əlavə edib ki, indiyədək atəş nəticəsində 3 şagird ölüb, 15 şagird isə yaralanıb.
Erməni tərəfi yeni itkilər barədə məlumat verib: indiyədək 633 hərbçi ölüb
Tanınmamış "DQR Müdafiə Nazirliyi" cümə günü daha 29 hərbçisinin öldüyünü açıqlayıb.
Məlumatda sentyabrın 27-dən ümumilikdə 633 hərbçinin öldüyü bildirilib.
Azərbaycan hələ ki, hərbi itkilər barədə məlumat açıqlamır.
Azərbaycan XİN ABŞ Dövlət Katibinin açıqlamasına etiraz bildirib
Azərbaycan Xarici İşlər Nazirliyi Mike Pompeo-nun şərhi ilə bağlı bildirib ki, bu fikirlər ABŞ-ın ATƏT-in Minsk Qrupunun həmsədr ölkələrindən biri kimi statusuna uyğun gəlmir.
"Azərbaycan tərəfi hesab edir ki, ABŞ Dövlət Katibinin fikirləri ABŞ Hökuməti tərəfindən münaqişə ilə bağlı bundan öncə edilmiş çoxsaylı rəsmi bəyanatlara uyğun deyil", XİN qeyd edib.
Mike Pompeo 15 oktyabrda “WSB Atlanta” televiziya kanalında Dağlıq Qarabağ münaqişəsi barədə fikirlər bildirib.
Şəklin mənbəyi, EPA
Azərbaycanın Baş Prokurorluğu: "İndiyədək 47 mülki şəxs öldürülüb, 222 nəfər yaralanıb"
Azərbaycanın Baş Prokurorluğu bildirib ki, Ermənistan silahlı qüvvələrinin atəşi nəticəsində indiyədək 47 mülki şəxs öldürülüb, 222 nəfər yaralanıb.
Bundan başqa, 1669 yaşayış evi, 84 çoxmənzilli yaşayış və 301 mülki obyekt yararsız vəziyyətə düşüb, qurum bildirib.
İlham Əliyev: "Azərbaycan Dağlıq Qarabağın müstəqilliyinə heç bir şərtlə razılıq verməyəcək"
Şəklin mənbəyi, President.az
"Azərbaycanın ərazi bütövlüyü heç bir şərtlə pozula bilməz.
Azərbaycan Dağlıq Qarabağın müstəqilliyinə heç bir şərtlə razılıq verməyəcək.
Lakin, eyni zamanda bizim təklifimiz buna əsaslanırdı ki, gələcəkdə Dağlıq
Qarabağ ərazisində erməni icması və Azərbaycan icması dinc yanaşı
yaşamalıdır".
Bu
sözləri Prezident İlham Əliyev oktyabrın 15-də Rusiyanın Ria Novosti agentliyi
üçün “Rossiya Seqodnya Beynəlxalq İnformasiya Agentliyi” media qrupunun baş
direktoru Dmitri Kiselyova müsahibəsində deyib.
İlham
Əliyev söyləyib ki, sentyabrın 27-də başlayan atışmalar "Ermənistanın
Azərbaycana son üç ay ərzində üçüncü hücumudur".
Prezident
döyüş əməliyyatlarının nəticəsinin Azərbaycan Ordusu üçün "çox
uğurlu" sayıb, qarşı tərəfin itkilərinin "xeyli çox olduğunu"
söyləyib.
Cənab
Əliyev vurğulayıb ki, Azərbaycan tərəfində "heç bir əcnəbi muzdlu" və
"hər hansı xarici hərbi iştiraka ehtiyac" yoxdur.
İlham
Əliyev söyləyib ki, Azərbaycan hazırda ölkənin müxtəlif şəhərlərində olduğu
kimi azərbaycanlı və erməni icmasının ziddiyyətsiz yaşaması
"əzmindədir", lakin bunun üçün "etnik təmizləmələrin nəticələri
aradan qaldırılmalı və Azərbaycanın bütün məcburi köçkünləri öz evlərinə
qayıtmalıdırlar".
Prezident
münaqişənin həllinin baza prinsiplərinin Azərbaycanın işğal edilmiş rayonlarının
"mərhələli şəkildə azad olunmasını" nəzərdə tutduğunu bildirib.
"Birinci
mərhələdə işğal edilmiş ərazilərin cənub-şərq hissəsindəki 5 rayon, ikinci
mərhələdə Dağlıq Qarabağ ilə Ermənistan arasında yerləşən ərazilər – Laçın və
Kəlbəcər rayonları işğaldan azad edilməli, bütün kommunikasiyalar, o cümlədən
Ermənistan-Azərbaycan sərhədinin digər hissələrində yerləşən kommunikasiyalar
açılmalı, qaçqınlar və məcburi köçkünlər əvvəlki yaşayış yerlərinə
qaytarılmalıdır. Bu, azərbaycanlı köçkünlərin həm Şuşa ərazisinə, həm də keçmiş
Dağlıq Qarabağ Muxtar Vilayətinin digər rayonlarının ərazisinə qaytarılmasını
və Dağlıq Qarabağın tərəflər arasında razılaşdırılmalı olan qəti statusunun
müəyyən edilməsinə dair danışıqları nəzərdə tutur".
İlham Əliyev münaqişənin hərbi fazasının başa çatandan və siyasi
nizamlamaya keçəndən sonra Rusiyanın "regionda sabitləşmə işində aparıcı
rol oynamaqda davam edəcəyinə" əmin olduğunu bildirib.
Azərbaycan MN qarşı tərəfin itkiləri barədə
Azərbaycan Müdafiə Nazirliyi açıqlayıb ki, Azərbaycan Ordusu tərəfindən həyata keçirilən fəaliyyətlər nəticəsində cəbhənin müxtəlif istiqamətlərində Ermənistan silahlı qüvvələrinin xeyli sayda canlı qüvvəsi, 2 ədəd T-72 tankı, 1 ədəd BM-21 “Qrad” YARS, 5 ədəd D-30 haubitsa topu, 2 ədəd ZSU-23-4 “Şilka” özüyeriyən zenit qurğusu və döyüş sursatı ilə yüklənmiş 8 ədəd avtomobil texnikası "vurulub və sıradan çıxarılıb".
Azərbaycan MN bildirib ki, əldə olunan məlumatlarda "Dağlıq Qarabağ ərazisinə gələn muzdluların bir qisminin döyüşə girməkdən imtina etməsi məlum olub".
