Qarabağ müharibəsi: Humanitar atəşkəs və Gəncəyə hücumlar – baş verənlərin xronogiyası

Canlı reportaj

1. 16 Oktyabr 2020

   Azərbaycan Müdafiə Nazirliyi bildirib ki, oktyabrın 15-i gün ərzində və 16-na keçən gecə cəbhənin Ağdərə-Ağdam və Füzuli-Hadrut istiqamətlərində əməliyyat şəraiti yenə də "gərgin olaraq qalıb".

   Ermənistan Müdafiə Nazirliyinin sözçüsü Şuşan Stepanyan Qarabağ cəbhəsində gecə boyu nisbi sabit gərginliyin qorunduğunu bildirib. O, Facebook hesabında yazıb ki, "müxtəlif istiqamətlərdə atışma fərqli intensivliklə davam edib". Şuşan Stepanyan əlavə edib ki, bu səhər qarşı tərəf "şimal istiqamətdə hücuma keçib".

   Azərbaycan Müdafiə Nazirliyi açıqlayıb ki, Ermənistan silahlı qüvvələri işğaldan azad edilmiş Cəbrayıl və Hadrut istiqamətlərində yerləşən Azərbaycan bölmələrinin mövqelərini və cəbhə xəttinə yaxın kəndləri dünən gün ərzində raket, artilleriya və minaatanlardan "atəşə tutub".

   Qurumun məlumatında deyilir ki, qarşı tərəf gecə ərzində cəbhənin bəzi istiqamətlərində "fəallaşmağa cəhd göstərib".

   Azərbaycan MN bunun "qarşısının alındığını, qarşı tərəfin ciddi itki verdiyini" bildirib.

   Ermənistan Müdafiə Nazirliyinin itki verdikləri ilə bağlı hələlik bir şərhi yoxdur.

   Azərbaycan və Ermənistan oktyabrın 10-da humanitar atəşkəsə razılaşsa da, tərəflər bir-birini bunu pozmaqda ittiham edir.

2. 16 Oktyabr 2020Ceyhun Bayramov Mevlüt Çavuşoğlu ilə danışıb

   

   Şəklin mənbəyi, Anadolu Ajansı

   Oktyabrın 15-də Azərbaycanın Xarici İşlər naziri Ceyhun Bayramov Türkiyənin Xarici İşlər naziri Mevlüt Çavuşoğlu ilə danışıb.

   Azərbaycan Xarici İşlər Nazirliyi bildirib ki, Ceyhun Bayramov türkiyəli həmkarına dünən Tərtərdə insanların dəfn mərasimi zamanı Ermənistan silahlı qüvvələri tərəfindən atəşə tutulması barədə məlumat verib.

   Məlumatda deyilir ki, Mevlüt Çavuşoğlu mülki insanların həyatını itirməsi ilə bağlı "ciddi narahatlığını" ifadə edib.

3. 16 Oktyabr 2020Təcili xəbər, Goranboy, Tərtər, Ağdam və Ağcabədi "atəşə tutulur"

   Azərbaycan Müdafiə Nazirliyi bildirib ki, Ermənistan silahlı qüvvələri bu gün səhər saatlarından başlayaraq Goranboy, Tərtər, Ağdam və Ağcabədini "atəşə tutur".

4. 16 Oktyabr 2020ANAMA: "Dünən mərmi düşməsi barədə 28 müraciət daxil olub"

   

   Şəklin mənbəyi, ANAMA

   Oktyabrın 15-də Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağdam, Ağcabədi, Füzuli, Goranboy və Tərtər rayonları ərazisinə mərmilərin düşməsi barədə 28 müraciət daxil olub.

   ANAMA bildirib ki, aparılmış əməliyyat-axtarış tədbirləri zamanı 1 ədəd 100 mm-lik top mərmisi (OF-412), 1 ədəd tank əleyhinə idarə olunan raketin arxa mator hissəsi, 1 ədəd bombacıq və 16 ədəd partlamış mərmi qalıqları aşkar olunub.

   

   Şəklin mənbəyi, ANAMA

5. 15 Oktyabr 2020Atəş altında həyat: pulsuz çörək, dağıntı və yas - şəkillərdə

6. 15 Oktyabr 2020Ermənistan Azərbaycanı "erməni əsirlərə" aid olduğu iddia olunan görüntülərlə bağlı ittiham edib, Azərbaycan Müdafiə Nazirliyi bundan əvvəl görüntüləri "saxta" adlandırıb

   Ermənistan Ombusdmanı "erməni əsirlərə" aid olduğu iddia olunan görüntülərlə bağlı Azərbaycan Ordusunu ittiham edib.

   Cümə axşamı günü sosial şəbəkələrdə yayılan "videolarda əsir düşən erməni hərbçilərinin Azərbaycan Silahlı Qüvvələri hərbçiləri tərəfindən alçaldılması və qətlə yetirilməsi əks olunur", Ermənistan Ombudsmanı Arman Tatoyan rəsmi Facebook səhifəsində yazıb.

   O, videoları "hərbi cinayətlərin inkaredilməz dəlili" adlandırıb.

   Azərbaycan Müdafiə Nazirliyi bundan əvvəl bu görüntülərin erməni tərəfinin "təxribatı" adlandırıb və qeyd edib ki, bu görüntülərin "Azərbaycan hərbi qulluqçularının döyüş fəaliyyətinə heç bir aidiyyəti yoxdur" və "saxtadır".

   Baş Prokurorluq isə bildirib ki, "bəzi sosial şəbəkə istifadəçiləri, o cümlədən “Инфотека24” və digər xarici kütləvi informasiya vasitələri tərəfindən yayılmış" görüntülərlə bağlı "araşdırma aparılır".

   Qurumdan deyilib ki, "ilkin əlamətlərə görə həmin videoların saxta olmasına əsaslı şübhələr yaranıb".

7. 15 Oktyabr 2020Dövlət Təhlükəsizlik Xidməti əhaliyə: "Təşvişə qapılmadan ayıq-sayıq olun"

   

   Şəklin mənbəyi, DTX

   Azərbaycan Dövlət Təhlükəsizliyi Xidməti məlumat yayıb ki, onların əldə etdiyi məlumata görə, Ermənistan xüsusi xidmət orqanları Azərbaycanın böyük şəhərlərində insanların sıx cəmləşdiyi yerlərdə, ictimai nəqliyyatda terror-təxribat və digər pozuculuq aktlarını həyata keçirmək istəyir”.

   Dövlət Təhlükəsizlik Xidməti vətəndaşları “gündəlik həyat tərzini pozmadan, təşvişə qapılmadan ayıq-sayıq olmağa çağırıb”.

   “Vətəndaşların yaşadıqları ərazilərdə şübhəli şəxslər, hərəkət və əşyalar barədə məlumatları (012) 4059999 nömrəli telefonla Dövlət Təhlükəsizliyi Xidmətinə, eləcə də yerli polis və digər hüquq mühafizə orqanlarına bildirmələri xahiş olunur”, - Dövlət Təhlükəsizlik Xidmətinin məlumatında bildirilib.

   Məlumatda Ermənistanın dəstəklədiyi iddia olunan ASALA terror təşkilatı kimi tanınan qurumun "fəallaşması" bildirilib.

   DTX həmçinin “xarici ölkələrdəki Azərbaycan Respublikasının diplomatik nümayəndəlikləri və diplomatik heyəti, diaspora təmsilçilərini və ölkəmizə aid şirkətlər və onların əməkdaşlarını ayıq-sayıq olmağa çağırıb”.

8. 15 Oktyabr 2020

   Azərbaycan Xarici İşlər naziri Ceyhun Bayramov Böyük Britaniyanın Avropa Qonşuluğu və Amerika üzrə Dövlət Naziri Wendy Morton ilə telefon söhbətində qarşı tərəfə "Moskvada razılaşdırılmış humanitar atəşkəsin Ermənistan tərəfindən pozulmasının davam etdiyini" deyib, XİN bildirir.

   O, həmçinin Gəncəyə edilən raket hücumları və bunun nəticəsində dinc sakinlərin həlak olması və yaralanması, eləcə də bu gün səhər Tərtər bölgəsinin atəşə tutulması barədə məlumat verib.

   "Nazir Wendy Morton mülki insan tələfatı ilə bağlı ciddi narahatlığını ifadə etdi. Gərginliyin azaldılmasının və atəşkəsə hörmət edilməsinin vacibliyini vurğuladı. Nazir Wendy Morton münaqişənin danışıqlar yolu ilə həll olunmasının vacibliyini qeyd etdi", XİN-in məlumatında deyilir.

9. 15 Oktyabr 2020Azərbaycan MN Qarabağın cənubunda döyüşlər getdiyini təsdiqləyib

   “Torpaqları azad edə-edə gedirik. Prezident açıqladı da 6 kənd azad olunub”, - Müdafiə Nazirliyinin mətbuat xidmətinin rəisi Vaqif Dərgahlı deyib.

   Cənab Dərgahlı BBC News Azərbaycancaya cümə axşamı günü Qarabağın cənubunda döyüşlər getdiyini təsdiqləyib.

   Ermənistan Müdafiə Nazirliyinin nümayəndəsi Artsrun Ovannisyan bu gün günorta saatlarında təmas xəttinin cənubunda ağır və şiddətli döyüşlərin getdiyini bildirib.

10. 15 Oktyabr 2020Atəşə məruz qalan Bərdə sakini: "İki mərmi şəhərin içinə düşüb"

11. 15 Oktyabr 2020Təcili xəbər, Tərtərdə qəbiristanlığın atəşə tutulması nəticəsində ölənlərin sayı 4-ə çatıb

    "Tərtərdə dəfn zamanı qəbiristanlığın atəşə tutulması nəticəsində yaralanmış şəxslərdən biri - Əmirov İsgəndər Yelmar oğlu da vəfat edib", Baş Prokurorluqdan BBC News Azərbaycancaya verilən məlumatda belə deyilir.

    Bu gün Ermənistan Silahlı Qüvvələrinin Tərtərdə dəfn zamanı qəbiristanlığı atəşə tutması nəticəsində 4 nəfər həlak olub, 4 nəfər yaralanıb, rəsmi qurumlar bildiriblər.

12. 15 Oktyabr 2020

    Azərbaycan Müdafiə Nazirliyi "sosial şəbəkələrdə guya Azərbaycan Ordusunun hərbi qulluqçularının erməni əsirlərinə qarşı kobud davranması barədə videolar yayıldığını" bildirib.

    Qurum qeyd edib ki, bu görüntülərin "Azərbaycan hərbi qulluqçularının döyüş fəaliyyətinə heç bir aidiyyəti yoxdur və saxtadır".

    Baş Prokurorluq isə bildirib ki, "bəzi sosial şəbəkə istifadəçiləri, o cümlədən “Инфотека24” və digər xarici kütləvi informasiya vasitələri tərəfindən yayılmış" eyni məzmunlu görüntülərlə bağlı "araşdırma aparılır".

    Qurumdan deyilib ki, "ilkin əlamətlərə görə həmin videoların saxta olmasına əsaslı şübhələr yaranıb".

13. 15 Oktyabr 2020Təcili xəbər, Füzuli, Cəbrayıl, Xocavənd rayonlarının 6 kəndi işğaldan azad edilib

    Prezident İlham Əliyev Twitter-də yazıb ki, Füzuli rayonunun Arış, Cəbrayıl rayonunun Doşulu, Xocavənd rayonunun Edişə, Düdükçü, Edilli, Çiraquz kəndləri işğaldan azad edilib.

    Paylaşımını ötürün X

    X məzmununa icazə varmı?

    Bu məqalədə X məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl X kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".

    Qəbul edin və davam edin

    Xəbərdarlıq : BBC kənar saytların məzmununa görə cavabdeh deyil.

    Paylaşımın sonu X

14. 15 Oktyabr 2020İlham Əliyev: "Yaxın vaxtlarda növbəti sevincli, xoş xəbərlər gələcək"

    

    Şəklin mənbəyi, NTV/YouTube

    "Yaxın vaxtlarda növbəti sevincli, xoş xəbərlər gələcək”, Azərbaycan Prezidenti İlham Əliyev bu gün Türkiyənin NTV televiziyasına müsahibəsində deyib.

    O qeyd edib ki, "bu günə qədər 40-a yaxın, ya da 40-dan çox yaşayış məntəqəsi, şəhərlər və kəndlər işğalçılardan azad edilib".

    "Deyə bilərəm ki, həm şimal, həm cənub istiqamətlərində, həm də şərq istiqamətlərində artıq strateji yüksəkliklər bizim nəzarətimizdədir. Bizim uğurlu əməliyyatımız davam edir bu günə qədər", cənab Əliyev deyib.

    "Biz əsas əməliyyatları indi şimal və cənub istiqamətlərində aparırıq. Bildiyiniz kimi, Cəbrayıl şəhərinin işğaldan azad edilməsi çox uğurlu əməliyyat nəticəsində baş vermişdir və Cəbrayıl şəhərinin böyük qismi artıq bizdədir.

    Eyni zamanda, Fuzuli rayonun bir cox kəndini biz işğalçılardan azad etdik və əminəm ki, yaxın zamanlarda Füzuli rayonundan da çox yaxşı xəbərlər gələcək", Prezident Əliyev əlavə edib.

15. 15 Oktyabr 2020Ermənistan Türkiyəni "humanitar yardımın qarşısını almaqda" ittiham edib

    Ermənistan hakimiyyəti Türkiyənin ABŞ-dan Ermənistana gedən humanitar yardım daşıyan uçuşlar üçün hava sahəsini "qəsdən bağladığından" şübhələnir, Reuters agentliyi yazır.

    Diaspor İşləri üzrə Komissar Zareh Sinanyanın sözlərinə görə, "Türkiyənin uçuşlara icazə verməməsi səbəbindən 100 ton humanitar yardım çatdırılmayıb".

    Mülki Aviasiya Komitəsinin rəhbəri Tatevik Revazyan Reuters-ə verdiyi müsahibədə deyib ki, Yerevan Türkiyənin hava sahəsini "qəsdən bağladığından" şübhələnir.

    Rəsmi Ankara bu ittihamlarla bağlı hələ heç bir açıqlama verməyib.

16. 15 Oktyabr 2020Azərbaycan "Su-25 təyyarəsinin vurulmadığını" deyir

    Ermənistan cümə axşamı günü "Azərbaycan Hava Qüvvələrinə məxsus Su-25 təyyarəsini vurduğunu" açıqlayıb.

    Ermənistan bundan əvvəl də Azərbaycana məxsus Su-25 vurduğunu açıqlayıb, lakin hələlik heç bir dəlil təqdim olunmayıb.

    Azərbaycan Müdafiə Nazirliyi bu gün yaydığı açıqlamasında "Ermənistan KİV-nin Azərbaycan Hərbi Hava Qüvvələrinə məxsus Su-25 təyyarəsinin vurulması barədə yaydığı məlumatın yalan və qarşı tərəfin tərəfin növbəti dezinformasiyası olduğunu" bildirib.

    "Rəsmi olaraq bildiririk ki, oktyabrın 15-də Azərbaycan HHQ-nin döyüş aviasiya vasitələri tətbiq edilməyib və heç bir Su-25 döyüş təyyarəsi havaya qaldırılmayıb", qurumun açıqlamasında deyilir.

    Azərbaycan Müdafiə Nazirliyi indiyədək Ermənistanın Azərbaycana məxsus Su-25 təyyarəsinin vurulması ilə bağlı bütün xəbərləri təkzib edib.

17. 15 Oktyabr 2020

    "Ermənistan hökumətinə və xalqına açıq mesaj göndərdim ki, azad edilmiş əraziləri geri qaytarmaq cəhdlərini dayandırmalıdırlar," bunu Azərbaycan Prezidenti İlham Əliyev öz Twitter hesabında yazıb.

    O vurğulayıb ki, geri qayıtmaq cəhdləri "yalnız daha çox qurban və qan tökülməsinə səbəb olacaq".

    Paylaşımını ötürün X

    X məzmununa icazə varmı?

    Bu məqalədə X məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl X kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".

    Qəbul edin və davam edin

    Xəbərdarlıq : BBC kənar saytların məzmununa görə cavabdeh deyil.

    Paylaşımın sonu X

18. 15 Oktyabr 2020Ermənistan Diaspor rəsmisi Zareh Sinanyan: "Nəhəng bir könüllü axını var"

    Ermənistanın Diaspor Məsələləri üzrə baş müvəkkili Zareh Sinanyan Ermənistan hökumətinə "diaspora ermənilərinin istəyinə rəğmən potensiallarından tam istifadə etmədiklərini" bildirib.

    Zareh Sinanyan deyib ki, etiraz və nümayişlər ictimaiyyətin diqqətini Artsaxdakı (Qarabağ) gerçəkliyə yönəltməyə, xalqın erməni xalqına qarşı müsbət münasibət bəsləməsinə və nəhayət əhəmiyyətli bir nəticə əldə etməsinə kömək etməkdir.

    Etiraz və nümayişlərin kortəbii şəkildə təşkil olunması və ya koordinasiyalı olmasına gəlincə, diaspora baş müvəkkili “başlanğıcda qəflətən və plansız idi, amma indi daha çox koordinasiya olunurlar” deyib.

    Sinanyan vurğulayıb ki, diaspora erməniləri yalnız maddi və maliyyə yardımı etmir, həm də bilik və potensialları ilə Ermənistana kömək etməyə çalışırlar".

    Sinanyan həmçinin könüllü həkimlər məsələsinə də toxunub.

    O bildirib ki, "diaspora ermənilərinin özləri təşəbbüs göstərərək Rusiya, ABŞ və Avropadan səyahət ediblər".

    Hərbi cəbhəyə gedən diaspora erməni könüllülərinin olub-olmaması barədə suala isə Sinanyan “Artsax (Qarabağ) müharibəsi zamanı çox sayda könüllü yox idi, amma bu dəfə nəhəng bir könüllü axını var. Bu, Ermənistanla diaspora arasındakı bağın müstəqillik illərində çox möhkəmləndiyini göstərir" deyib.

    Çərşənbə günü tanınmamış "DQR prezidenti" Arayik Harutyunyan Qarabağdan kənarda olan erməniləri Qarabağın "müdafiəsinə" çağıraraq, “bu, imtina etmək hüququmuz olmayan son döyüşümüzdür, burada fərarilik xəyanətə bərabərdir” deyib.

19. 15 Oktyabr 2020

    Kollektiv Təhlükəsizlik Müqaviləsi Təşkilatının (KTMT) Baş katibi Stanislav Zas cümə axşamı günü bildirib ki, təşkilat Qarabağda sülhməramlılar məsələsini aktiv şəkildə müzakirə edir.

    Bu barədə Ria Novosti agentliyi məlumat yayıb.

    Prezident İlham Əliyev bu həftə Haber Türk kanalına müsahibəsində deyib ki, sülhməramlıların bölgəyə göndərilməsi, eləcə də sülhməramlıların tərkibi hər iki ölkənin - Ermənistanın və Azərbaycanın razılığı əsasında olmalıdır. Onun sözlərinə görə, "hər hansı bir ölkə veto qoyarsa, təbii ki, bu, olmayacaq".

    O qeyd edib ki, müzakirə mövzusu olan baza prinsiplərində sülhməramlıların göndərilməsi ən son mərhələdə (torpaqların boşaldılması, məcburi köçkünlərin qaytarılması, sərhədlərin açılması, nəqliyyat və ticarət əlaqələrinin qurulmasından sonra) nəzərdə tutulur.

    "Ondan sonra sülhməramlıların gətirilməsi də istisna deyil. Ancaq nəzərə alsaq ki, bu 30 illik müzakirə müddətində biz müsbət nəticəyə yaxınlaşmadıq və bu məsələ heç müzakirə də olunmayıb. Ona görə bu məsələ ilə bağlı hər hansı bir fərziyyə, istək ola bilər. Ancaq Azərbaycanın razılığı olmadan bu, mümkün deyil," İlham Əliyev deyib.

20. 15 Oktyabr 2020BBC jurnalisti Tərtərdən yazır: "Qonşular tək yaşayan yaşlı qadın üçün ağlayırdılar"