Azərbaycan Respublikası və Ermənistan Respublikası 18 oktyabr, yerli vaxtla saat 00.00 dan etibarən müvəqqəti humanitar atəşkəsə razılıq veriblər. Azərbaycan Müdafiə Nazirliyi bu gün səhər sübhdən Ermənistan tərəfinin atəşkəsə əməl etməməsilə ilə bağlı məlumat yayıb.
Şəklin mənbəyi, Azərbaycan Müdafiə Nazirliyi
Azərbaycan Müdafiə Nazirliyi bildirib ki, Ermənistan silahlı qüvvələri oktyabrın 17-də səhər saatlarından başlayaraq Azərbaycanın Tərtər, Ağdam, Bərdə və Ağcabədi rayonlarının ərazilərini atəşə tutur.
Şəklin mənbəyi, Azərbaycan Fövqəladə Hallar Nazirliyi
Azərbaycanın Baş prokuroru Kamran Əliyev, Fövqəladə Hallar naziri Kamaləddin Heydərov və Gəncə Şəhər İcra Hakimiyyətinin başçısı Nizami Bayramov hazırda Gəncədə raketlərin atıldığı yerə baxış keçirirlər, Baş Prokurorluq bildirib.
Şəklin mənbəyi, Azərbaycanın Baş Prokurorluğu
AzTV-nin verdiyi məlumata görə, qısa müddət əvvəl Gəncədə dağıntılar altından daha bir nəfərin cansız bədəni çıxarılıb.
Bununla erməni silahlı qüvvələrinin Gəncəni atəşə tutması nəticəsində ölənlərin sayı 13-ə çatıb, 42 nəfər isə yaralanıb.
"Ermənistanın davamlı aqressiyası, mülki şəxslərə qarşı amansız hücumlar dayandırılmalı və beynəlxalq ictimaiyyət Ermənistanın Azərbaycan xalqına qarşı bu qeyri-insani hərəkətlərinə göz yummamalıdır", Azərbaycan Xarici İşlər Nazirliyi Gəncənin vurulması ilə bağlı şərh verib.
Qurumun məlumatına görə, bu, 27 sentyabrdan bəri Gəncəyə ardıcıl olaraq üçüncü hücumdur.
"Ermənistanın Azərbaycan mülki vətəndaşlarına qarşı qatı hücumlarını ən sərt şəkildə qınayırıq və bu təcavüzkar dövləti hərbi cinayətlərini dayandırmağa çağırırıq", XİN bildirib.
Şəklin mənbəyi, Azərbaycanın Baş Prokurorluğu
Gəncədə hələ də axtarış-xilasetmə işləri davam etdirilir.
Ərazidə polislər, Fövqəladə hallar Nazirliyinin axtarış xilasetmə qrupları var.
Məlumata görə, Ermənistan silahlı qüvvələri 17 oktyabr gecə saat 1 radələrində Gəncənin iki ərazisini raket atəşinə tutub.
Erməni silahlı qüvvələrinin Gəncəni atəşə tutması nəticəsində yaralananların sayı 42 nəfərə çatıb, bu barədə Azərbaycanın ABŞ-dakı səfirliyi məlumat yayıb
Həlak olanların sayı 12 nəfərdir.
Bu məqalədə X məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl X kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".
Paylaşımın sonu X
Hərbi əməliyyatların getdiyi yerdən təxminən 60 kilometr aralıda yerləşən Gəncə sentyabrın 27-dən bəri bir neçə dəfə atəşə məruz qalıb.
Onlardan ən dağıdıcı olanı oktyabrın 11-də baş verib. Bu hadisə zamanı beşi qadın olmaqla, azı 10 nəfər həlak olub, 35 nəfər yaralanıb, 10-dan artıq çoxmənzilli binaya və 100-dən çox müxtəlif təyinatlı obyektlərə ziyan dəyib.
Bu yazıda siyasi ekspert Fuad Şahbazov Gəncənin əhəmiyyətindən danışıb.
Azərbaycan Müdafiə Nazirliyi Ermənistan ərazisində qarşı tərəfin silahlı qüvvələrinin infrastrukturuna və mülki obyektlərə PUA-larla zərbə endirilməsi barədə məlumatları təkzib edib.
Bu barədə daha əvvəl Ermənistan Xarici İşlər Nazirliyi məlumat yayaraq bildirib ki, "Azərbaycan PUA-ları ölkənin cənubunda hərbi infrastruktura zərbə endirib". İnterfaks agentliyi isə mülki obyektlərin vurulduğunu iddia edib.
“Qəti surətdə bu xəbəri təkzib edir və bildiririk ki, Azərbaycan Ordusu yalnız işğal olunmuş ərazilərin azad olunması istiqamətində legitim hərbi hədəflərə atəş açır. Azərbaycanın Ermənistan ərazisində heç bir hərbi məqsədi yoxdur”, Azərbaycan Müdafiə Nazirliyinin mətbuat xidmətindən bildirilib.
Müdafiə Nazirliyinin sözçüsü Vaqif Dərgahlı deyib ki, Ermənistan silahlı qüvvələri gecə saatlarında Gəncə və Mingəçevir şəhərlərini raket atəşinə tutmaqla dinc sakinləri və mülki infrastrukturu məqsədli şəkildə hədəfə aldığını növbəti dəfə nümayiş etdirib.
Azərbaycan Ermənistan səmasında Azərbaycana məxsus 2 ədəd PUA-nın vurulması barədə məlumatın yalan olduğunu bildirib. Bu kimi xəbərin də heç bir əsası yoxdur, Azərbaycan MN bildirib.
Hadisə yerindən göndərilən görüntülərdə dağıntı yerində toz-duman olduğu müşahidə edilir.
Bu məqalədə Google YouTube məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl Google YouTube kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".
Paylaşımın sonu YouTube
Ermənistan Müdafiə Nazirliyinin sözçüsü Şuşan Stepanyan sosial şəbəkələrdə "Ermənistan ərazisindən Azərbaycanın ərazisinə atəş açılmadığını" yazıb.
Erməni silahlı qüvvələrinin Gəncənin mərkəzi hissəsində yerləşən dinc sakinlərin yaşayış məntəqələrini raket atəşinə tutması nəticəsində 12 nəfər həlak olub, 40-dan çox şəxs yaralanıb, çoxsaylı mülki infrastruktur obyektlərinə, nəqliyyat vasitələrinə külli miqdarda ziyan dəyib, Baş Prokurorluğuq bildirib.
Azərbaycan Prezidentinin köməkçisi Hikmət Hacıyev bildirib ki, həlak olanların sayı 10-a, yaralıların sayı 40-a çatıb.
Xilasetmə işlər davam edir.
Bu məqalədə X məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl X kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".
Paylaşımın sonu X
Türkiyənin müxalif CHP lideri Kemal Kılıçdaroğlu Ermənistan ordusunun Azərbaycanın Gəncə və Mingəçevir şəhərlərinə qarşı həyata keçirdiyi raket hücumlarını qınayıb.O, bu barədə Twitter hesabından yazıb.
“Azərbaycanın Gəncə və Mingəçevir şəhərlərinə etdiyi hücumlarla müharibə və insanlıq cinayətləri törədən Ermənistanı qətiyyətlə qınayıram. Qardaş Azərbaycan xalqına başsağlığı diləyir, haqlı mübarizələrində yanlarında olduğumuzu bir daha təkrarlayıram".
Bu məqalədə X məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl X kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".
Paylaşımın sonu X
"Çoxlu evlərə ziyan dəyib. Bəzi evlərdə elektrik naqilləri qırılıb. Bəzi evlər tam təhlükəli haldadır. Yaxınlarını axtaran insanlar var", hadisə yerindən müxbirimiz bildirib.
Sakinlərdən biri müxbirimizə qardaşının yaralı olduğunu, onun iki uşaq və həyat yoldaşının isə hələ axtarıldığını qeyd edib.
Türkiyənin hakim AK Partiyasının sözçüsü Ömer Çelik Ermənistan Silahlı Qüvvələrinin Gəncəyə hücumunu qınayıb.
O, bu barədə Twitter-də yazıb ki, "Can Azərbaycanın yanındayıq. Ermənistanın qatil hücumlarını qınayırıq. Ermənistan quldur dövlət olaraq mülki insanları öldürür. Vəhşi qırğınlar həyata keçirir. Qatillər və onların tərəfdarları qanunları pozur. Gəncəyə edilən hücumlar insanlığa qarşı cinayətdir".
Gəncəyə atılmış raketlər nəticəsində ölənlərin sayı 6-a çatıb.
Dağıntılar arasında axtarış əməliyyatları davam etdirilir.
Dağıntıların altında neçə adamın qaldığı bilinmir. Yerlilərə görə, orada təxminən 70-80 insan yaşadığı yer olub.
Türkiyə Prezidentinin sözçüsü İbrahim Kalın Türkiyənin "sona qədər Azərbaycanın yanında olduğunu" deyib.
"Ermənistan elan edilmiş atəşkəsə baxmayaraq müharibə cinayətləri törədir. Eynən Xocalıda etdiyi kimi, qadın, uşaq, yaşlı və mülkiyə fərq qoymadan cinayət törədir. Bu qanunsuzluq və qırğınlar qarşılıqsız qalmayacaq. Kimsə nə deyirsə desin, Türkiyə sona qədər Azərbaycanın yanındadır", o, Twitter-də yazıb.
Bu məqalədə X məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl X kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".
Paylaşımın sonu X
"ANAMA-ya görə, Gəncəyə atılan raketlər SCUD / Elbrus Əməliyyat-Taktik Balistik raketləridir", Prezidentin köməkçisi Hikmət Hacıyev Twitterdə yazıb.
Onun sözlərinə görə, hadisə zonasından çıxan fraqmentlər bunu sübut edir.
Bu məqalədə X məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl X kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".
Paylaşımın sonu X
