شاہین ہمارا بہترین بولر ہے، اس کی کمی محسوس ہو گی: بابر اعظم
،تصویر کا ذریعہGetty Images
پاکستان کے کپتان بابر اعظم نے میچ سے قبل میڈیا سے گفتگو کرتے ہوئے کہا ہے کہ شاہین ہمارا بہترین بولر ہے، جیسے وہ بولنگ کرتا ہے جارحانہ انداز میں اور بولنگ کو لیڈ کرتا ہے، تو ہمیں اس کی کمی محسوس ہو گی۔
تاہم ان کا یہ بھی کہنا تھا کہ ’انجریز کھیل کا حصہ ہیں یہ ہوتی رہتی ہیں، ہماری بینچ سٹرینتھ کافی اچھی ہے اور ہمارے نوجوان بولرز جس طرح پرفارم کرتے آ رہے ہیں مجھے ان پر پورا یقین ہے۔‘
انھوں نے انڈیا پاکستان میچ سے متعلق سوال کا جواب دیتے ہوئے کہا کہ ’میرے لیے ہر میچ اہم ہوتا ہے، اور بطور کپتان میری ذمہ داری یہی ہے کہ میں اپنا 100 فیصد دوں، ٹیم کے لیے بہترین پرفارمنس دوں، اور اپنی کرکٹ سے محظوظ ہونے کی کوشش کروں۔‘
انھوں نے کہا کہ ’انڈیا پاکستان میچ کا ہر کسی کو انتظار ہوتا ہے کیونکہ وہ اچھی کرکٹ دیکھنا چاہتے ہیں اور ہمیں بھی بطور کھلاڑی یہ انتظار رہتا ہے کہ ہم اچھی کرکٹ کھیلیں اور اپنے بہترین کھیل کا مظاہرہ کریں۔
’اس دوران اپنی گیم پر جتنا یقین رکھیں اتنا اچھا ہے، اونچ نیچ تو آتی رہے گی۔‘
