 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
آٹھ سنچریاں: یوسف نے ریکارڈ توڑ دیا | ||||||||||||||||||||||||||||||||||||||||
کراچی میں جاری پاکستان اور ویسٹ انڈیز کے درمیان حالیہ سیریز کے تیسرے ٹیسٹ میچ میں سنچری بنا کر محمد یوسف نے ایک سال میں سب سے زیادہ سنچریاں بنانے کا ریکارڈ قائم کر دیا ہے۔ محمد یوسف کی یہ اس سال آٹھویں سنچری تھی۔ اس سے پہلے ایک ’ کیلنڈر ائیر‘ میں سب سے زیادہ سنچریاں بنانے کا ریکارڈ مشترکہ طور پر کرکٹ کی تاریخ کے نامور بلے بازوں ویسٹ انڈیز کے ویو رچرڈز اور سری لنکا کے اروندا ڈی سلوا کے پاس تھا۔ دونوں نے ایک سال میں سات، سات سنچریاں بنا رکھی تھیں۔
محمد یوسف کرکٹ کی دنیا میں اب ایک اور ریکارڈ قائم کرنے کے قریب ہیں۔ انہیں ویو رچرڈز کا ایک سال میں سب سے زیادہ رنز بنانے کا ریکارڈ توڑنے کے لیے اب صرف سینتالیس رنز درکار ہیں۔ کراچی میں کھیلا جانے والا ٹیسٹ بتیس سالہ محمد یوسف کے کریئر کا تہترواں میچ ہے۔ اس سے قبل بہتر ٹیسٹ میچز میں تقریباً چھپن رنز فی اننگز کی اوسط سے کھیلتے ہوئے انہوں نے اکیس سنچریوں اور چھبیس نصف سنچریوں کی مدد سے چھ ہزار ایک چھہتر رنز بنائے رکھے تھے۔ کراچی ٹیسٹ میں بنائی گئی سنچری محمد یوسف کی مسلسل پانچویں سنچری ہے اور اس طرح وہ کرکٹ کی دنیا کے عظیم بلے باز سر ڈان بریڈ مین کے چھ مسلسل سنچریاں بنانے کے ریکارڈ سے صرف ایک سنچری پیچھے ہیں۔ اس سال اب تک بنائی گئی سنچریوں میں سے پانچ دفعہ محمد یوسف نے ایک سو پچاس سے زائد رنز بنائے جبکہ تین دفعہ وہ چند رنز کے فرق سے ڈبل سنچری بنانے سے محروم رہے۔ | 
اسی بارے میں  محمد یوسف وکٹ سے ناخوش12 November, 2006 | کھیل یونس خان دوبارہ کپتان بنادیئے گئے07 October, 2006 | کھیل پاکستان کے نئے کپتان محمد یوسف05 October, 2006 | کھیل کرکٹر محمد یوسف کی بات چیت14 September, 2006 | کھیل محمد یوسف کا گراونڈ میں سجدہ01 December, 2005 | کھیل یوسف پر دباؤ کی باتیں بےبنیاد ہیں‘24 September, 2005 | کھیل | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
