عالیہ اور رنبیر کی شادی میں کون کون آیا، دیکھیے تصاویر میں

،تصویر کا ذریعہHYPE PR CREDIT
- مصنف, مدھو پال
- عہدہ, بی بی سی ہندی کے لیے
عالیہ بھٹ اور رنبیر کپور کی شادی آخر کار ہو ہی گئی۔ آج کا دن نہ صرف رنبیر کپور اور اداکارہ عالیہ بھٹ کے لیے خاص ہے بلکہ ان کے کروڑوں مداح اور پوری انڈسٹری اس دن کا انتظار کر رہی تھی۔
دونوں کی شادی نہایت سادگی سے ہوئی۔ رنبیر کپور اور عالیہ بھٹ نے باقی ستاروں کی طرح کسی بڑے ہوٹل، محل یا یورپ کے دلکش مقامات پر شادی کرنے کے بجائِے اس موقعے کے لیے اپنے گھر کا انتخاب کیا۔

،تصویر کا ذریعہHYPE PR CREDIT
رنبیر کپور ممبئی کے باندرہ کے پالی ہل میں واقع واستو بلڈنگ میں ساتویں منزل پر رہتے ہیں۔ وہیں عالیہ بھٹ اسی عمارت کی پانچویں منزل پر کرائے کے فلیٹ میں رہتی ہیں۔ شادی کی تمام رسومات وہیں پر ہوئیں۔ جمعرات کی صبح ہلدی کے بعد سہ پہر 3 بجے شادی کا مہورت تھا۔

،تصویر کا ذریعہHYPE PR CREDIT
شادی میں صرف 50 مہمان موجود تھے، جن میں صرف کپور خاندان اور بھٹ خاندان کے قریبی لوگوں نے شرکت کی۔ رندھیر کپور، ریما جین، کرن جوہر، امیتابھ بچن کی بیٹی شویتا نندا اور ان کی پوتی نویہ نویلی، کرینہ کپور، سیف علی خان، لو رنجن، راہول بھٹ، شاہینہ بھٹ، سونی رازدان، پوجا بھٹ، راہل بھٹ، ریما جین، ان کے بیٹے ارمان جین اور امبانی خاندان کے بیٹے بہو آکاش اور شلوکا بھی موجود تھے۔

،تصویر کا ذریعہMADHU PAL, SUPRIYA/BBC
رنبیر کپور کی بہن ردھما کپور نے اس موقع پر خوشی کا اظہار کرتے ہوئے عالیہ کو ’گڑیا‘ کہا۔

،تصویر کا ذریعہMADHU PAL, SUPRIYA/BBC
آج بیساکھی کا تہوار بھی ہے، آج کا دن کپور خاندان کے لیے اس لیے بھی خاص ہے کہ 13 اپریل 1979 کو بیساکھی کے ہی موقع پر نیتو کپور اور رشی کپور کی شادی ہوئی تھی اور آج 43 سال بعد بیساکھی کے دن ہی رنبیر اور عالیہ کی شادی ہوئی ہے۔
اس خاص موقعے پر پوری عمارت کو پھولوں اور چمکتی ہوئی تاروں سے سجایا گیا تھا۔
فی الحال رنبیر کے بنگلے 'کرشنا راج' میں مرمت کا کام جاری ہے۔
End of سب سے زیادہ پڑھی جانے والی

،تصویر کا ذریعہMADHU PAL, SUPRIYA/BBC
یہ وہی بنگلہ ہے جہاں مرحوم اداکار رشی کپور اور ان کا پورا خاندان برسوں سے مقیم تھا۔
'کرشنا راج' بنگلے سے لے کر رنبیر اور عالیہ کے نئے گھر 'واستو' تک سڑک کے کنارے روشنیاں جگمگا رہی ہیں۔
بتایا جا رہا ہے کہ کپور خاندان کرشنا راج بنگلے سے رنبیر کپور کی بارات لے کر 'واستو' گیا، ہر رسم روایتی طریقے سے مکمل کی گئی۔
یہ بھی پڑھیے

،تصویر کا ذریعہMADHU PAL, SUPRIYA/BBC
بدھ سے شادی کی رسومات شروع ہو گئی تھیں۔ بدھ کو کپور خاندان اور عالیہ بھٹ کے پورے خاندان نے مہندی کی تقریب میں شرکت کی۔
اس سے پہلے دونوں خاندانوں کی جانب سے کوئی معلومات شیئر نہیں کی جا رہی تھیں۔

،تصویر کا ذریعہHYPE PR
نیتو کپور کئی بار انٹرویوز میں کہہ چکی ہیں کہ اداکار رشی کپور ہمیشہ اپنے بیٹے رنبیر کپور کو آباد دیکھنا چاہتے تھے۔ لیکن گذشتہ برس ان کی وفات ہوگئی تھی۔

،تصویر کا ذریعہMADHU PAL, SUPRIYA/BBC
رشی کپور کی آخری خواہش کا احترام کرتے ہوئے کپور خاندان ہر چھوٹی سے چھوٹی رسم پورے جوش و خروش سے ادا کرنا چاہتا تھا۔ شادی کے دوران ہر چھوٹی رسم کو پورا کیا گیا۔

،تصویر کا ذریعہMADHU PAL, SUPRIYA/BBC
ان تمام رسومات میں رنبیر کپور کی بہن ردھیما کپور ساہنی اور کزنز اداکارہ کرشمہ کپور اور کرینہ کپور بھی موجود تھیں۔
ان کے علاوہ ان کی خالہ ریما جین اور ان کے بیٹے آدر جین، ارمان جین بھی موجود تھے۔

،تصویر کا ذریعہMADHU PAL, SUPRIYA/BBC
ہدایت کار آیان مکھرجی اور کرن جوہر نے بھی رنبیر اور عالیہ کے قریبی دوستوں کی حیثیت سے رسومات میں شرکت کی۔

،تصویر کا ذریعہMADHU PAL, SUPRIYA/BBC
رپورٹس کے مطابق تمام مہمانوں اور عملے کے موبائل فونز لے لیے گئے تھے تاکہ شادی یا دیگر رسومات کی کوئی تصویر یا ویڈیو لیک نہ ہو سکے۔








