Як сиёсатмадори лубнонии мухолифи Сурия дар инфиҷори бумб кушта шуд
Муҳаммад Шатаҳ, як сиёсатмадори лубнонии мухолифи ҳукумати Сурия, дар асари инфиҷори бумб дар маркази Бейрут, пойтахти Лубнон, кушта шуд.
Ин инфиҷори шадид субҳи рӯзи ҷумъаи 6 даймоҳ (27 декабр) маркази Бейрутро ба ларза даровард. Ба гузориши расонаҳои маҳаллӣ, дар асари он, оқои Шатаҳ, ки иқтисоддон ва аз мушовирони Саъд Ҳарирӣ ва Фуод Синюра, нахуствазирони пешини ин кишвар, буд, ҷони худро аз даст дод.
Муҳаммад Шатаҳ, вазири иқтисоди собиқ ва аз мушовирони Саъд Ҳарирӣ, раиси ҷараёни Алмустақбил будааст. Ҷараёни Алмустақбил ташаккули мухолифи равобити наздики Лубнон ва Сурия маҳсуб мешавад.
Шабакаи телевизиюнии Алъарабия гуфтааст, ки беш аз 20 тан низ дар ин воқеъа захмӣ шудаанд. Меҳрдоди Фараҳманд, хабарнигори Би-би-сӣ дар Бейрут, ба нақл аз Салиби Сурхи Лубнон шумори кушташудагонро панҷ нафар ва шумори захмиёнро беш аз панҷоҳ нафар гузориш кардааст.
Ба гузориши Осушиэйтид Прес, ронандаи Муҳаммад Шатаҳ низ дар миёни кушташудагон будааст.
Тасовири телевизиюнӣ аз Бейрут нишон медиҳад, ки дуди ғализе аз як маҳаллаи тиҷории шаҳр бармехезад. Шоҳидони айнӣ маҳалли инфиҷорро ҳаволии ҳутели Финиқия (Финисиё), аз ҳутелҳои бузурги пойтахт, ва наздики муҷтамаъи сохтмонҳои давлатии Лубнон гузориш кардаанд.
Бархе манобеъ гуфтаанд, ки ин маҳал бо макони вуқӯъи инфиҷори мунҷар ба қатли Рафиқ Ҳарирӣ, нахуствазири асбақи Лубнон, дар соли 2005 фосилаи зиёде надорад.
Маъмурони имдод ва теъдоде омбулонс барои кумак ба захмиҳо ба маҳалли ҳодиса эъзом шудаанд ва тасовири ирсолии хабаргузориҳо афроди захмӣ ва утумубилҳоеро нишон медиҳад, ки дастхуши оташсӯзӣ шудаанд.
Дар моҳҳои ахир Лубнон шоҳиди даргириҳои мусаллаҳона байни тарафдорон ва мухолифони ҳукумати Сурия ва ҳамчунин мавориди терур ва бумбгузорӣ будааст.
Ду ҳафта пеш, гурӯҳи Ҳизбуллоҳи Лубнон, ки аз ҳукумати Сурия ҳимоят мекунад, эълом кард, ки яке аз аъзои аршади ин гурӯҳ дар наздикии Бейрут терур шудааст. Ҳизбуллоҳ ин терурро ба Исроил нисбат дод, аммо давлати Исроил иртибот бо ин воқеъаро такзиб кард.
Пештар, дабири кулли Ҳизбуллоҳ гурӯҳҳои вобаста ба Арабистони Саъудиро масъули ҳамла ба манотиқи таҳти тасаллути шиъиён дар ҷануби Лубнон муъарррифӣ карда буд.
Дар мавриди омили инфиҷори рӯзи ҷумъа дар Бейрут гузоришҳои расмӣ интишор наёфта ва то кунун ҳеч гурӯҳе масъулияти ин иқдомро бар уҳда нагирифтааст.
Ба гузориши Воҳиди марказии хабар, Амир Абдуллоҳиён, муъовини Вазорати умури хориҷаи Эрон, инфиҷори рӯзи ҷумъа дар Бейрутро маҳкум кардааст. Сафири Сурия дар Лубнон низ чунин иқдомотеро маҳкум донистааст.
Хабаргузории Форс дар гузорише дар мавриди ин инфиҷор бо таъкид бар ин ки ҳанӯз ҳеч гурӯҳе масъулияти ин инфиҷорро бар уҳда нагирифта, навиштааст, ки "расонаҳои Ҷараёни 14 март саъй мекунанд бидуни ироаи мадраке Сурия ва мақомоти Лубнонро ба дахолат дар ин инфиҷор муттаҳам кунанд."
Ишораи ин гузориш ба ташаккули мавсум ба "Эътилофи 14 март" аст, ки дар соли 2005 шакл гирифт, то бо ончи дахолати Сурия дар Лубнон мехонад, муқобала кунад.