कोरोना लॉकडाऊन महाराष्ट्र नियम : दारू विक्री, सलून, बांधकाम - कोणत्या झोनमध्ये काय सुरू राहणार?

कोरोनाचा प्रादुर्भाव वाढू नये या दृष्टीने महाराष्ट्रासह देशभरात लॉकडाऊनचा चौथा टप्पा सुरू झालाय. महाराष्ट्र सरकारनं आज चौथ्या लॉकडाऊनमध्ये रेड, ऑरेंज आणि ग्रीन या तीन झोननिहाय कुठल्या गोष्टी सुरू राहतील आणि कुठल्या गोष्टी बंद राहतील, याबाबत पत्रक काढून माहिती दिलीय.

रेड आणि कंटेनमेंट झोन वगळता इतर झोनमध्ये सलून सुरू राहील, असं महाराष्ट्र सरकारकडून सांगण्यात आलंय.

कोरोना व्हायरसच्या प्रसाराच्या तीव्रतेनुसार यापुढेही राज्यात रेड, ऑरेंज आणि ग्रीन झोन जिल्हे, असं वर्गीकरण सुरू राहणार. कुठल्या झोनमध्ये कुठले व्यवहार सुरू राहतील, याचीही माहिती आधीच देण्यात आली होती.

राज्यातल्या कुठल्या झोनमध्ये कुठल्या गोष्टी सुरू राहतील, हे खालील तक्त्यावरून तुमच्या लक्षात येईल:

आतापर्यंत तीन लॉकडाऊन झाले आहेत -

दारुच्या दुकानांबाबत लॉकडाऊन-4 साठी आधीच निर्णय झालाय. त्यानुसार, महाराष्ट्र सरकारानं परवानाधारक दारुची होम डिलिव्हरी सुरू केलीय. तीन-चार दिवसांपूर्वीच यासंदर्भातील निर्णय महाराष्ट्रात उत्पादन शुल्क विभागानं घोषित केलाय.

चौथ्या लॉकडाऊनची नीट अंमलबजावणी व्हावी म्हणून केंद्रीय पोलीस दलाच्या 9 तुकड्या महाराष्ट्रात दाखल झाल्याची माहिती महाराष्ट्राचे गृहमंत्री अनिल देशमुख यांनी दिली. "मुंबई, पुणे, मालेगाव, औरंगाबाद आणि अमरावतीत आम्ही या तुकड्या तैनात केल्या आहेत. रमझान, आषाढी वारी, गणेशोत्सव आहे. अशावेळी केंद्रीय राखीव पोलीस दल मदतीला येईल," असं ते म्हणाले.

(बीबीसी मराठीचे सर्व अपडेट्स मिळवण्यासाठी तुम्ही आम्हाला फेसबुक, इन्स्टाग्राम, यूट्यूब, ट्विटर वर फॉलो करू शकता.'बीबीसी विश्व' रोज संध्याकाळी 7 वाजता JioTV अॅप आणि यूट्यूबवर नक्की पाहा.)