Geirfa Podlediad Pigion Radio Cymru i Ddysgwyr - Ionawr 19, 2016
Geirfa Podlediad i Ddysgwyr
Uchafbwyntiau Radio Cymru dros yr wythnos ddiwethaf, gyda chyflwyniadau clir a syml fydd o gymorth i chi wella'ch iaith.
Gwrandewch ar y rhifyn diweddaraf
Huw Stephens - David Bowie
rhyddhau - to release
dyanwlad - influence
talu teyrnged - to pay a tribute
arbrofi - experimenting
unigryw - unique
ymwybodol - aware
yng nghyswllt - in the context of
chwarae'n fyw - playing live
trychinebus - disastrous
haeddu - to deserve
"...efo newyddion mawr yr wythnos sef bod y canwr pop David Bowie wedi marw yn chwedeg naw oed. Roedd o newydd ryddhau ei albym olaf. Buodd llawer iawn o bobol yn talu teyrnged iddo fo ar Radio Cymru ac yn dweud pa mor fawr oedd ei ddylanwad arnyn nhw. Nos Lun mi gafodd Huw Stephens sgwrs am Bowie efo Emyr Glyn Williams ac Esyllt Williams. Dyma i chi flas ar y sgwrs..."
Taro'r Post - Supa Chai
rheswm - reason
diwylliant - culture
parchu - to respect
Casnewydd - Newport
erthygl - article
hyderus - confident
profiad - experience
tramor - overseas
rhyfedd iawn - very strange
bathodyn - badge
"Dau o ffans David Bowie yn talu teyrnged iddo fo yn fan'na ar raglen Huw Stephens. Pwnc Taro’r Post ddydd Mawrth oedd dysgu Cymraeg. Un o’r rhai fuodd yn siarad ar y rhaglen oedd Supa Chai o wlad Thai Daeth o i Gymru i astudio yn y brifysgol yng Nghaerdydd bedair blynedd yn ôl ac mi benderfynodd o ddysgu Cymraeg. Roedd Garry Owen wedi siarad efo fo yn gynta yn Eisteddfod Meifod y llynedd. Roedd Supa Chai wedi mynd yno am yr wythnos er mwyn cael defnyddio ei Gymraeg...cwestiwn Garry i Supa Chai oedd pam ei fod wedi dysgu Cymaeg..."
Post Cyntaf - Aled Sion
cyfathrebu - to communicate
enwebu - to nominate
gweithgareddau - activities
beirniad - judges
rhestr fer - short list
cynhadledd i'r wasg - press conference
oedran priodol - appropriate age
llefaru - reciting
offerynol - instrumental
muriau - walls
"Supa Chai o wlad Thai oedd hwnna yn dangos i wrandawyr Radio Cymru ei bod yn bosib i bawb ddysgu Cymraeg. Tybed welwn i fo'n cystadlu am wobr Dysgwr y Flwyddyn yn yr Eisteddfod Gendlaethol? Mae gan eisteddfod yr Urdd wobr arbennig i Ddysgwr y Flwyddyn hefyd, ond maen rhaid i chi fod o dan dau ddeg pump oed i gystadu am hwnnw. Mae Eisteddfod yr Urdd yn cael ei chynnal yn Sir y Fflint eleni ac mae na newidiadau i'r ffordd maen nhw am ddewis Dysgwr y Flwyddyn. Dyma Aled Sion, yn son am y newidiadau rheini ar y Post Cyntaf... "
Stiwdio - Lois Arnold
Cyfarwyddwr - Director
barddoniaeth - poetry
maes iechyd meddwl - mental health field
Eryri - Snowdonia
yn gyfrifol am - responsible for
yn bodoli - existing
creu yn llenyddol - creating literature
dilyniant - sequel
cerdd wlatgarol - a patriotic poem
llechi - slates
"Aled Sion, Cyfarwyddwr Eisteddfod yr Urdd yn sôn am y newidiau i'r gystadleuaeth Dysgwr y Flwyddyn. Ac os dach chi o dan dau ddeg pump oed, beth am roi cynnig arni? Enillodd Lois Arnold deitl Dysgwr y Flwyddyn yn Eisteddfod Genedlaethol Casnewydd. A dyma enillydd sydd yn wirioneddol wedi defnyddio ei Chymraeg ers hynny. Mae hi wedi ysgrifennu llyfr i ddysgwyr Cymraeg o’r enw Ffenestri. Mae’r llyfr yn llawn straeon a cherddi i ddysgwyr Cymraeg lefel Sylfaen a Chanolradd. Buodd hi’n sôn mwy am y llyfr wrth Nia Roberts ar Stiwdio ddydd Mawrth. "