سعودی عرب: شاہ سلمان کے باڈی گارڈ میجر جنرل عبدالعزیز الفغم ’ذاتی تنازعے‘ پر قتل
،تصویر کا ذریعہGetty Images
سعودی عرب کے سرکاری ٹی وی کے مطابق شاہ سلمان کے ایک ذاتی محافظ میجر جنرل عبدالعزیز الفغم کو قتل کر دیا گیا ہے۔
انھیں سعودی فرمانروا کے انتہائی قریب سمجھا جاتا تھا۔
سعودی عرب کے ریاستی ٹی وی الاخباریہ کے مطابق مکہ ریجن کے پولیس ترجمان نے بتایا کہ میجر جنرل عبدالعزیز الفغم کو ان کے دوست نے ’ذاتی تنازعے‘ پر گولی مار کر ہلاک کیا گیا۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 1
اس واقعے پر سعودی حکام کی جانب سے مزید کوئی تبصرہ نہیں کیا گیا ہے۔
پولیس اطلاعات کے مطابق میجر جنرل الفغم جدہ میں شاہی محل سے چند کلومیٹر فاصلے پر اپنے ایک دوست کے گھر گئے تھے جہاں مبینہ طور پر ان کا اپنے دوست کے ساتھ جھگڑا ہوا۔
یہ بھی پڑھیے
End of سب سے زیادہ پڑھی جانے والی
سعودی پولیس کا کہنا ہے کہ انھوں نے جائے وقوعہ کو گھیرے میں لیا لیکن مبینہ قاتل نے اپنے آپ کو پولیس کے حوالے کرنے سے انکار کیا جس پر سکیورٹی اہلکاروں کی فائرنگ سے قاتل ہلاک ہو گیا ہے جبکہ اس واقعہ میں پانچ سکیورٹی اہلکار بھی زخمی ہوئے ہیں۔
میجر جنرل الفغم سعودی عرب کے سابق فرمانروا عبداللہ بن عبدالعزیز آل سعود کے بھی ذاتی محافظ رہ چکے تھے اور شاہ سلمان کے تخت سنبھالنے پر انھوں نے اپنی ذمہ داریاں جاری رکھیں۔
اس واقعے پر سعودی عرب کے شاہی دربار کے مشیر ترکی علی الشیخ کی جانب سے ٹویٹ میں تعزیت کی گئی۔ عربی میں کی گئی اس ٹویٹ میں انھوں نے کہا کہ ’دس سال میں انھوں نے ان میں بہترین کام اور دیانتداری کے علاوہ کچھ نہیں دیکھا۔‘
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 2
