چوہوں نے نائجیریا کے صدر کو گھر سے کام کرنے پر مجبور کر دیا
،تصویر کا ذریعہGetty Images
نائجیریا کے صدر اگلے تین ماہ اپنے گھر سے کام کریں گے کیونکہ چوہوں نے ان کی غیر موجودگی میں دفتر میں تباہی مچا دی۔
صدر محمد بخاری اپنی طبیعت کی ناسازی کے باعث گذشتہ تین ماہ سے برطانیہ میں وقت گزار رہے تھے۔
حکومت کے ترجمان گاربا شےہو نے کہا ہے کہ دفتر میں صدر کی غیر موجودگی میں فرنیچر اور ایئر کنڈیشنر کو نقصان پہنچا تھا جس کی مرمت کرنے کی ضرورت ہے۔
بی بی سی سے بات کرتے ہوئے انھوں نے بتایا کہ دفتر سے کام نہ کرنے کے باوجود صدر کو کوئی دشواری نہیں ہوگی کیونکہ ان کے گھر میں تمام ضروری سہولتیں موجود ہیں جن کی مدد سے وہ سرکاری کام کر سکیں گے۔
صدر بخاری جون 2016 میں لندن گئے تھے جس پر ان کے ترجمان نے کہا تھا کہ یہ دورہ کان کے انفیکشن کے علاج کے لیے ہے۔ اس کے بعد انھوں نے رواں سال پہلے جنوری، اور پھر مئی میں بھی لندن کا دورہ کیا۔ حزب مخالف کا دعوی ہے کہ صدر بخاری کو پراسٹیٹ سرطان ہو گیا ہے لیکن صدر بخاری نے اس کی تردید کی ہے۔
لیکن صدر بحاری کے گھر سے کام کرنے کے فیصلے کو ملک کے عوام نے زیادہ پسند نہیں کیا ہے اور سرکاری طور پر دی جانے والی وجہ کا سوشل میڈیا پر مذاق اڑایا ہے۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
کچھ لوگوں نے اس بات پر تمسخر اڑایا کہ صدر بخاری کو عام طور پر 'لائن پریزیڈنٹ' یعنی شیر صدر کے طور پر بلایا جاتا ہے۔
End of سب سے زیادہ پڑھی جانے والی
ٹوئٹر پر ایک صارف نے لکھا: 'یہ بالکل ممکن ہے کہ چوہوں نے صدر بخاری کا دفتر تباہ کر دیا ہے۔ نائیجیریا کے چوہے بہت خون خوار ہوتے ہیں۔'
نائجیریا کے وکیل اور کالم نویس فیمی فانی فیود نے گاربا شے ہو کے بیان کے حوالے سے ٹویٹ کی: 'لگتا ہے کہ چوہے بھی نہیں چاہتے صدر بخاری واپس آئیں۔'
