ہٹلر کا فون دو لاکھ 43 ہزار ڈالر میں فروخت
،تصویر کا ذریعہAFP/GETTY IMAGES
جرمنی کے سابق رہنما اڈولف ہٹلر نے دوسری جنگ عظیم کے دوران جس ٹیلیفون کا استعمال کیا تھا اسے امریکہ میں دو لاکھ 43 ہزار امریکی ڈالر میں خرید لیا گیا ہے۔
فون خریدنے والے شخص کی شناخت ظاہر نہیں کی کئی ہے۔
اتوار کو امریکی ریاست میری لینڈ میں اس فون کی بولی لگائی گئی۔ منتظمین نے ابتدائی بولی ایک لاکھ امریکی ڈالر رکھی تھی۔
لال رنگ کے اس فون پر جرمن رہنما ہٹلر کا نام کندہ ہے اور یہ برلن کے ایک بنکر سے سنہ 1945 میں برآمد ہوا تھا۔
سویت فوجیوں نے جرمنی کے ہتھیار ڈالنے کے بعد برطانوی بریگیڈیئر سر راف رینر کو یادگار کے طور پر یہ فون تحفے میں دیا تھا۔
الیگزینڈر ہسٹاریکل آکشنس نامی نیلام گھر نے اس فون کو فروخت کیا۔
End of سب سے زیادہ پڑھی جانے والی
اس سے قبل نیلام گھر کے منتظمین نے بتایا تھا کہ سر راف کے بیٹے اس فون کو فروخت کر رہے ہیں اور اس نے امید ظاہر کی تھی کہ اس کی قیمت تین لاکھ ڈالر تک جا سکتی ہے۔
،تصویر کا ذریعہEPA
نیلام گھر کے اہلکار بل پیناگوپلس نے خبر رساں ادارے اے پی کو بتایا تھا کہ یہ فون 'وسیع پیمانے پر تباہی پھیلانے والا ہتھیار' تھا کیونکہ یہ ہٹلر کے استعمال میں تھا جو اس کے ذریعے حکم جاری کیا کرتے تھے، اس فون نے جنگ کے دوران بہت سے افراد کی جانیں لیں۔
اتوار کو ہونے والی نیلامی میں ایک الشیشن کتے کا مجسمہ بھی فروخت ہوا اور یہ بھی ہٹلر کی ملکیت تھا۔
اسے ایک دوسرے شخص نے 24300 امریکی ڈالر میں حاصل کیا۔
،تصویر کا ذریعہAFP/GETTY IMAGES
