عبدالرشید شکور بی بی سی اردو ڈاٹ کام

	لاہور کے ون ڈے کے بعد فیصلہ ہوگا کہ شعیب اگلا میچ کھیلیں گے یا نہیں

شعیب کو راوالپنڈی کے ون ڈے کی ٹیم میں شامل نہ کرنے کا فیصلہ فزیو کی سفارش پر کیا گیا ہے جنہوں نے کہا تھا کہ اگر شعیب ٹخنے کی تکلیف کے ساتھ بالنگ کرتے رہے تو ان کے لئے اگلے میچوں میں کھیلنا اور مشکل ہو جائے گا۔

راولپنڈی میں ہفتے کو کھیلے جانے والے دوسرے ون ڈے سے ایک روز قبل ایک نیوز کانفرنس سے خطاب کرتے ہوئے انضمام نے کہا کہ اس بات کا بھی امکان ہے کہ شعیب اختر تیرہ فروری کو لاہور میں کھیلے جانے والے تیسرے میچ میں بھی نہ کھیل سکیں۔

تیسرے میچ کے بعد پاکستانی فزیو شعیب کے ٹخنے کے معائنے کے بعد یہ فیصلہ کریں گے کہ کیا انہیں چوتھے میچ میں کھیلنے دیا جائے یا نہیں۔