سچن کی بلے بازی دیکھنے میں ہمیشہ لطف آتا ہے:انضمام

سچن ایک بار پھر اپنی کہنی کی چوٹ سے پریشان ہیں اور پاکستان کے ساتھ ہونے والی سریز میں وہ کھیل سکیں گے یا نہیں اس بارے میں کچھ نہیں کہا جا سکتا۔

انضمام الحق کا کہنا ہے ’ سچن کسی بھی قیمت پر پاکستان کے ساتھ اس سریز میں کھیلنا چاہیں گے‘۔انضمام نے کہا’ سچن ایک عظیم کھلاڑی ہیں اور ایسے بڑے موقع پر وہ ٹیم سے ساتھ ہونا چاہیں گے‘۔

انہوں نے کہا کہ سچن اتنے بڑے کھلاڑی ہیں کہ آپ ہمیشہ ان سے ایک نئی چیز سیکھتے ہیں۔

انضمام کہ کہنا تھا کہ سچن نےپاکستان خلاف کئی میچ کھیلے ہیں لیکن ان کی بلے بازی دیکھنے میں ہمیشہ ہی مزہ آتا ہے۔

سچن کے ساتھ ساتھ انہوں نے بھارتی کپتان سورب گنولی کی بھی کمر تھپتھپائی اور کہا کہ وہ دنیا کے بہترین کپتانوں میں سے ایک ہیں۔

انضمام نے کہا کہ سورب گنگولی کی قیادت میں بھارتی ٹیم میں مثبت تبدیلیاں آئی ہیں پہلے ٹیم کو کامیاب کرانے والا ایک ہی کھلاڑی ہوتا تھا لیکن اب ایسا نہیں ہی۔

پاکستانی کرکٹ ٹیم اس ماہ کے آخر میں بھارت کے دورے پر آرہی ہے جس میں اس کو پانچ ون ڈے اور تین ٹیسٹ میچ کھیلنے ہیں۔