اولمپکس میں پہلا تمغہ جیتنے والے ممالک
،تصویر کا ذریعہGETTY IMAGES
برازیل کے شہر ریو میں جاری اولمپکس کھیلوں میں ابھی تک 71 ممالک تمغے حاصل کرنے میں کامیاب رہے ہیں جن میں ابھی تک پاکستان یا بھارت کا نام نہیں ہے۔
اس بار بھی اولمپکس میں 200 سے زیادہ ممالک شرکت کر رہے ہیں جن میں سے بعض ایسے ہیں جنھوں نے پہلی بار طلائی یا کوئی دوسرا تمغہ حاصل کیا ہے۔
٭ <link type="page"><caption> میڈل کے ساتھ ساتھ شادی کی پیشکش</caption><url href="http://www.bbc.com/urdu/sport/2016/08/160815_rio_marriage_proposal_sr.shtml" platform="highweb"/></link>
٭ <link type="page"><caption> ریو اولمپکس میں پاکستان کا سفر تمام، نجمہ پروین بھی باہر</caption><url href="http://www.bbc.com/urdu/sport/2016/08/160815_pakistan_olympics_rio_sh.shtml" platform="highweb"/></link>
٭ <link type="page"><caption> 23 طلائی تمغوں کے ساتھ مائیکل فیلپس کا الوداع</caption><url href="http://www.bbc.com/urdu/sport/2016/08/160814_rio_2016_phelps_gold_mb.shtml" platform="highweb"/></link>
پہلی بار تمغہ جیتنے والے ممالک میں پورٹو ریکو، ویت نام، فیجی، کوسوو اور سنگاپور شامل ہیں۔
پورٹو ریکو کی مونیکا پوئگ نے ٹینس میں خواتین کا سنگلز جیت کر اپنے ملک کو پہلی بار اولمپک گولڈ میڈل دلایا۔
،تصویر کا ذریعہGetty
مونیکا پوئگ نے جرمنی کی اینجلیک کیربر کو براہ راست دو سیٹوں میں شکست دے کر یہ کامیابی حاصل کی۔
End of سب سے زیادہ پڑھی جانے والی
ویت نام کے ہوانگ شوان وين دس میٹر ایئر پسٹل مقابلے میں فاتح قرار پائے اور اس طرح انھوں نے اپنے ملک کو اولمپکس کی تاریخ کا پہلا طلائی تمغہ دلوایا۔
انھوں نے یہ مقابلہ 202.5 کے سکور کے ساتھ جیتا۔
کوسوو نے بھی اولمپکس میں اپنا اکاؤنٹ کھولتے ہوئے پہلی بار کوئی تمغہ حاصل کیا ہے۔
،تصویر کا ذریعہReuters
کوسوو کی مازالنڈا كلمینڈي نے جوڈو کے 52 کلوگرام درجے میں طلائی تمغہ جیت کر کوسوو کو پہلی بار یہ افتخار دلایا۔
فائنل میں انھوں نے اٹلی کی اودیتے گيے فريڈا کو شکست دی تھی۔
فیجی کی مرد رگبی ٹیم نے رگبی سیون کے مقابلے میں برطانیہ کو شکست دے کر پہلی بار کوئی گولڈ میڈل اپنے نام کیا ہے۔
،تصویر کا ذریعہGetty
اس جیت کے بعد فیجی کی سڑکوں پر خوب جشن منائے گئے۔ بینک، دکانیں اور کاروبار بند رہے اور لوگ سڑکوں پر ناچتے گاتے پھرے۔
سنگاپور کے جوزف سكولنگ نے سوئمنگ کے 100 میٹر بٹرفلائی مقابلے میں امریکی تیراک مائیکل فیلپس کو شکست دے کر سنگاپور کے لیے اب تک کا پہلا گولڈ میڈل حاصل کیا۔
21 سالہ سكولنگ نے 50.39 سیکنڈ میں تیراکی کا مقابلہ جیت کر نیا اولمپک ریکارڈ بھی اپنے نام کر لیا۔
،تصویر کا ذریعہGetty
خیال رہے کہ مائیکل فیلپس ایک لیجنڈ ہیں اور انھیں اولمپکس کی تاریخ میں سب سے زیادہ میڈلز جیتنے کا اعزاز حاصل ہے۔
انھوں نے 23 طلائی تمغوں کے ساتھ مجموعی طور پر 28 تمغے حاصل کیے ہیں۔
خیال رہے کہ ریو سے قبل اولمپکس کمیٹی کے 206 رکن ممالک میں سے صرف 75 ممالک ہی تمغے جیتنے میں کامیاب ہوئے تھے جبکہ 131 ممالک اس وقت تک کوئی بھی تمغہ حاصل نہیں کر سکے تھے۔
