386 رنز کا ہدف، سری لنکا مشکلات کا شکار
،تصویر کا ذریعہAFP
کولمبو میں بھارت کے خلاف سیریز کے تیسرے اور فیصلہ کن ٹیسٹ میچ میں 386 رنز کے ہدف کے تعاقب میں میزبان سری لنکا کی ٹیم شدید مشکلات کا شکار ہے۔
پیر کو چوتھے دن کھیل کے اختتام پر سری لنکا نے تین وکٹوں کے نقصان پر 67 رنز بنا لیے تھے۔
<link type="page"><caption> میچ کا تازہ سکور جاننے کے لیے کلک کریں</caption><url href="http://www.bbc.co.uk/sport/cricket/scorecard/ECKP90161" platform="highweb"/></link>
اسے فتح کے لیے آخری دن مزید 319 رنز بنانا ہوں گے جبکہ اس کی سات وکٹیں باقی ہیں۔
آؤٹ ہونے والے پہلے سری لنکن بلے باز اپل تھارنگا تھے جو اننگز کے پہلے اوور کی آخری گیند پر بغیر کوئی رن بنائے کیچ ہوئے۔
ان کی جگہ آنے والے کرونارتنے بھی کوئی رن نہ بنا سکے اور امیش یادو کی پہلی وکٹ بنے۔
سری لنکا کی تیسری وکٹ 21 کے مجموعی سکور پر گری جب دنیش چندی مل 18 رنز بنانے کے بعد ایشانت شرما کی گیند پر کوہلی کو کیچ دے بیٹھے۔
اس سے قبل کھیل کے چوتھے دن بھارتی ٹیم دوسری اننگز میں 274 رنز بنا کر آؤٹ ہوگئی اور یوں اسے سری لنکا پر 385 رنز کی مجموعی برتری حاصل ہوئی۔
End of سب سے زیادہ پڑھی جانے والی
،تصویر کا ذریعہGetty
چوتھے دن بھارت نے اپنی دوسری اننگز تین وکٹوں کے نقصان پر 21 رنز سے دوبارہ شروع کی تو کپتان وراٹ کوہلی جلد ہی 21 رنز بنانے کے بعد آؤٹ ہوگئے۔
اس کے بعد روہت شرما اور سٹوئرٹ بنی نے ذمہ دارانہ انداز میں کھیلتے ہوئے سکور 118 رنز تک پہنچا دیا۔ اس موقع پر روہت نصف سنچری بنانے کے بعد آؤٹ ہوگئے۔
روہت کے پویلیئن لوٹنے کے بعد بنی نے ایک اینڈ سنبھالے رکھا اور سکور 160 تک پہنچا دیا۔
وہ ایک رن کی کمی سے نصف سنچری مکمل نہ کر سکے اور پرساد کی تیسری وکٹ بنے۔
نمن اوجھا کو رنگانا ہیراتھ نے آؤٹ کر کے اس اننگز میں اپنی پہلی وکٹ لی، وہ 35 رنز کی اچھی اننگز کھیلنے کے بعد کیچ ہوئے۔
امت مشرا 39 رنز بنانے کے بعد رن آؤٹ ہوئے لیکن نویں نمبر پر بلے بازی کے لیے آنے والے روی چندرن ایشون نے نصف سنچری بنا کر اپنی ٹیم کی پوزیشن مزید مضبوط کر دی۔
،تصویر کا ذریعہReuters
سری لنکا کے لیے پرساد کے علاوہ پردیپ نے بھی چار وکٹیں لیں جبکہ ہیراتھ نے ایک کھلاڑی کو آؤٹ کیا۔
اتوار کو میچ کے تیسرے دن سری لنکا کی پوری ٹیم اپنی پہلی اننگز میں بھارت کے 312 رنز کے جواب میں 201 رنز بنا کر آؤٹ ہوگئی تھی اور اس طرح بھارت کو 111 رنز کی مجموعی برتری حاصل ہوئی تھی۔
تین ٹیسٹ میچوں کی سیریز اس وقت ایک ایک سے برابر ہے۔
سیریز کے پہلے میچ میں رنگانا ہیراتھ کی شاندار بولنگ کی بدولت سری لنکا نے بھارت کو 63 رنز سے ہرایا تھا۔
اس کے بعد بھارت نے سری لنکا کو دوسرے ٹیسٹ میں 278 رنز سے شکست دے کر سیریز برابر کر دی تھی۔
