سابقہ انڈین کرکٹر سورو گنگولی کو دل کی تکلیف: ’دادا، جلدی سے ٹھیک ہونے کا‘

،تصویر کا ذریعہANI
انڈین کرکٹ بورڈ (بی سی سی آئی) کے صدر اور انڈین کرکٹ ٹیم کے سابق کپتان سورو گنگولی کو سینے میں تکلیف کی شکایت کے بعد کولکتہ کے نجی ہسپتال میں داخل کرایا گیا ہے۔
مقامی میڈیا رپورٹس کے مطابق سنیچیر کی صبح جم میں ورزش کے دوران سورو گنگولی کی طبیعت خراب ہوگئی جس کے بعد انھیں قریبی وڈ لینڈز ہسپتال میں داخل کرایا گیا۔
بی سی سی آئی کے سکریٹری جئے شاہ نے لکھا ہے کہ انھوں نے سورو گنگولی کے اہل خانہ سے بات کی ہے اور اب ان کی طبیعت ٹھیک ہے۔
شاہ نے ٹویٹ کی ’دادا کی صحت اب مستحکم ہے۔ دوائیں اپنا صحیح کام کر رہی ہیں۔ میں ان کی جلد صحتیابی کے لیے دعا گو ہوں۔‘
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
یہ بھی پڑھیے
End of سب سے زیادہ پڑھی جانے والی

،تصویر کا ذریعہ@MamataOfficial
ریاست مغربی بنگال کی وزیر اعلی ممتا بنرجی نے بھی ٹویٹر پر لکھا کہ ’سورو کی صحت کے بارے میں جان کر افسوس ہوا ہے۔ سنا ہے کہ ان کو ہلکا کارڈیک ایرسٹ ہوا ہے جس کی وجہ سے وہ ہسپتال میں داخل ہوگئے ہیں۔ ان کی جلد صحتیابی کے لیے دعاگو ہوں۔ میری دعائیں ان کے اور ان کے کنبے کے ساتھ ہیں۔‘
انڈین ٹوئٹر پر سورو گنگولی ٹاپ ٹرینڈز میں شامل ہے۔ انڈین کرکٹ ٹیم کے کپتان وراٹ کوہلی نے ان کی جلد صحتیابی کے لیے نیک خواہشات کا اظہار کیا ہے جبکہ ان کے ساتھی اوپنر وریندر سہواگ نے ایک گہرے دوست کے انداز میں ٹویٹ کرتے ہوئے لکھا کہ ’دادا جلدی سے ٹھیک ہونے کا۔‘

،تصویر کا ذریعہ@virendersehwag
کرکٹر شیکھر دھون نے بھی سورو گنگولی کی صحت یابی کے لیے دعا کی ہے۔
اس کے علاوہ کئی لوگوں نے ان کے دل کے دورے کی وجہ سیاست میں ان کی عدم دلچسپی بتائی ہے۔ آکاش ماتھر 316 نے لکھا کہ ’ان کے دل کے دورے کی ایک ہی وجہ ہے۔ بی جے پی۔ دادا نے کئی بار کہا کہ وہ سیاست میں آنا نہیں چاہتے، وہ کبھی بھی سیاست میں دلچسپی نہیں رکھتے لیکن بی جے پی ان پر دباؤ ڈال رہی ہے۔ اتنے دباؤ کو جھیل نہیں سکے۔۔۔‘

،تصویر کا ذریعہ@imVkohli
خیال رہے گاہے بگاہے سورو گنگولی کے سیاست میں آنے کی خبریں گردش کرتی رہتی ہیں اور یہ قیاس آرائیاں کی جاتی ہیں کہ مغربی بنگال کی وزیر اعلیٰ کے مقابلے کے لیے بی جے پی انھیں میدان میں اتار سکتی ہے لیکن ابھی تک اس کے شواہد موجود نہیں ہیں۔
انڈین کرکٹ میں گنگولی نے جب جب واپسی کی ان کی کارکردگی بہتر رہی۔ بہت سے ٹوئٹر صارفین نے گنگولی کی لڑنے کی قوت کا ذکر کیا ہے اور امید ظاہر کی ہے کہ وہ جلد اس پر فتح حاصل کر لیں گے۔
اہیلی چٹوپادھیائے نامی صارف نے لکھا کہ ’واپسی لوگوں کو مضبوط بناتی ہے اور آپ اس سے مزید مضبوط ہو کر باہر آئیں گے۔‘

،تصویر کا ذریعہ@jdhankhar1
کسی نے انھیں ’شیر دل‘ کہا ہے تو کوئی انھیں ’ہندوستان کا فخر‘ کہہ رہا ہے، کسی نے ’ٹائیگر‘ کہا تو کسی نے ’بنگال پرنس‘ اور لوگ ان کی جلد صحتیابی کے لیے دعاگو ہیں۔










