80 کی دہائی کا ’بلیک اینڈ وائٹ‘ چین

فوٹوگرافر ایڈریئن بریڈ شا 1984 میں بیجنگ پہنچے اور 30 سال تک چینی ثقافت اور تیزی سے بدلتے طرزِزندگی کو اپنے کیمرے میں محفوظ کرتے رہے۔

اپنی نئی کتاب ’دی ڈور اوپنڈ: 1980s چائنا‘ میں بریڈ شا نے اپنی 30 سال کی محنت اور 20 لاکھ تصاویر کے خزانے میں سے روزمرہ زندگی کے چنندہ مناظر شائع کیے ہیں۔

ذیل تصاویر ان کے مجموعے سے لی گئی ہیں:

بریڈ شا بتاتے ہیں: ’بڑے بڑے پروپیگنڈا بورڈز، جو عموماً مرکزی شاہراہوں اور چوراہوں پر نصب ہوتے تھے، کی جگہ آہستہ آہستہ غیر ملکی مصنوعات کے اشتہاروں نے لے لی۔ لیکن ان میں سے اکثر اشیا مقامی دکانوں میں دستیاب ہی نہیں ہوتی تھیں۔‘

اس کا مقصد ایسی چیزوں کے بارے میں آگاہی پھیلانا تھا، تاکہ جب چین اتنا امیر ہو جائے تو وہ یہ مصنوعات درآمد کر سکے تو ان کے خریدار بھی موجود ہوں۔

اُس زمانے میں چین کے کسی بھی شہر میں کسی غیر ملکی کا نظر آنا کافی غیر معمولی بات تھی۔

سنہ 1985 میں بریڈ شا نے سابق باکسر اور ہیوی ویٹ چیمپیئن محمد علی کے ساتھ ایک ہفتہ گزارا۔

’علی کا شمار ان پہلے سیاحوں میں ہوتا ہے جن کی تصویر بنانے کا مجھے اتفاق ہوا۔ انھں اس وقت بیجنگ میں اولمپک مقابلے منعقد کرنے کے لیے مشیر کے طور پر بلایا گیا تھا۔‘

’اُس وقت محمد علی کی چال میں پارکنسنز کی بیماری کی وجہ سے سستی نہیں آئی تھی اور وہ دنیا بھر میں پہچانے جاتے تھے۔ وہ جہاں جاتے، لوگوں کے چہروں پر مسکراہٹیں بکھیرتے۔‘

’چین میں اصلاحات کے بعد منعقد ہونے والا یہ غالباً پہلا فیشن شو تھا۔ یہاں آئے لوگوں کی شکلیں دیکھنے والی تھیں!‘

مجھے حیرت ہوتی تھی کہ شینگ ہائی جیسے بڑے شہر کے نصف حصے پر بالکل کوئی توجہ نہیں دی جاتی تھی، یہاں تک کہ دریا پار کرنے کے لیے پُل بھی نہیں بنا تھا۔‘

آج یہی شہر نیویارک سے کم نہیں دِکھتا۔

تمام تصاویر کے جملہ حقوق محفوظ ہیں۔