آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
106 سالہ انڈین دادی کے کھانوں کی دھوم
ماں کے بعد نانی دادی کے ہاتھوں کے بنے کھانے کو لوگ اکثر بڑی رغبت سے یاد کیا کرتے ہیں۔
جبکہ کھانے کے شوقین نانی دادی کے زمانے کے کھانوں کے نسخوں کی تلاش میں رہتے ہیں۔ بعض تو بچپن کی یاد تازہ کرنے کے لیے اور بعض کھانے کے ذائقے کے لیے۔
یو ٹیوب پر ان دنوں ایک دادی کے ہاتھوں کے بنے کھانے کی دھوم مچ گئی ہے۔
یہ معمر خاتون 106 سال کی ہیں اور ان کا نام مستان اماں ہے۔ یو ٹیوب پر ان کے کھانے کے ویڈیوز دیکھنے والوں کی تعداد لاکھوں میں ہے۔
انڈیا کی جنوبی ریاست آندھرا پردیش کے ایک گاؤں کی باشندہ مستان اماں کے پاس ان کی پیدائش کی کوئی سند تو نہیں لیکن ان کا خیال ہے کہ ان کی عمر 106 سال ہے۔
دراصل ان کے باورچی خانے میں بننے والے کھانوں کے دیسی اور قدیمی نسخے ان دنوں یو ٹیوب پر خوب پسند کیے جا رہے ہیں۔
خیال رہے کہ ان کا باورچی خانہ کھلے آسمان کے نیچے ایک کھیت میں ہے جہاں وہ مٹی کے چولہے پر کھانا بناتی ہیں۔
وہ کہتی ہیں کہ وہ سبزیاں، دال، مچھلی، کیکڑے اور انڈے بناتی ہیں، لیکن ان کے کھانا بنانے کا طریقہ بالکل منفرد ہے۔
End of سب سے زیادہ پڑھی جانے والی
مستان اماں کا 'تربوز چکن' کافی مقبول ہے۔
ان کا یو ٹیوب چینل ان کے پڑپوتے اپنے دوست کے ساتھ چلاتے ہیں جس کے تین لاکھ سے زیادہ فالوورز ہیں۔
کھیت میں کیلے کے پتوں پر کھانا کھلانے کا طریقہ مقامی ہے۔
انڈیا کی شاید سب سے معمر یوٹیوب سٹار کا مشورہ ہے: 'خوب پكائيے اور خوب کھائیے۔'