سیلاب میں پھنسی حاملہ خواتین کو فوری طبی مدد کی ضرورت
پاکستان کی تاریخ کے بدترین سیلاب نے تین کروڑ سے زیادہ افراد کو متاثر کیا ہے۔ ان میں عورتوں اور بچوں کی ایک خاصی بڑی تعداد ہے۔ ایک اندازے کے مطابق سیلاب زدہ علاقوں میں ساڑھے چھ لاکھ حاملہ خواتین کو زچگی اور بچے کی پیدائش سے متعلق میڈیکل سروسس کی ضرورت ہے۔ سیلاب زدہ علاقوں میں اسی مہینے تہتر ہزار کے قریب عورتیں بچوں کو جنم دینے والی ہیں۔ کیا انھیں سپیشلائزڈ ہیلتھ کئیر مل پائے گی؟