ہلاک ہونے والے اینٹیں بنانے والے بھٹّے میں کام کرنے والے مزدور تھے

آسام: ہندی بولنے والوں پر مزید حملے

فوج کے اہلکاروں کے مطابق منگل کو سبسگر ضلع میں ایک جھڑپ میں دو باغی ہلاک ہو گئے ہیں۔

حکام کا کہنا ہے کہ ان حملوں کے پیچھے یونائٹڈ لبریشن فرنٹ آف آسام یا ’الفا‘ کا ہاتھ ہے۔ یہ تنظیم طویل عرصے سے آسام کی آزادی کا مطالبہ کر رہی ہے۔

	پولیس نے مشتبہ افراد کی تلاش شروع کردی ہے

خبر رساں ادارے اے ایف پی کے مطابق اروناچل پردیش پولیس کے چیف امود کنتھ نے بتایا ہے ’ آسام اور اروناچل کی سکیورٹی فورسز چھپے ہوئے افراد کو پکڑنے میں کامیابی حاصل کرلیں گی‘۔

آسام کے حکام کا کہنا ہے کہ الفا باغیوں نے پڑوسی ریاست اروناچل میں بعض مقامات پر خفیہ ٹھکانے بنائے ہوئے ہیں جہاں وہ حملوں کے بعد چھپ جاتے ہیں۔

دوسری جانب حالیہ حملوں کی وجہ سے ہزاروں ہندی بولنے والے افراد آسام چھوڑ کر جا رہے ہیں۔

	ہندی بولنے والے آسام چھوڑ کر جا رہے ہیں (فائل فوٹو)

ہندوستان کے محکمہ ریل کے وزیر اور ریاست بہار کے سابق وزیراعلیٰ لالو پرسادو اور وزارتِ داخلہ کے وزیر مملکت شری پرکاش جیسوال علاقے کا دورہ
کر چکے ہیں۔ دونوں وزراء نے ہندی بولنے والے افراد سے الفا باغیوں کو پوری طرح سے ختم کر نے کا وعدہ کیا ہے۔

آسام پولیس نے چھبیس جنوری کو یومِ جمہوریہ اور فروری میں ہندوستان کے قومی کھیلوں کے موقع پر اس قسم کے حملوں میں مزید اضافے کا خدشہ ظاہر کیا ہے۔