Tuesday, 21 June, 2005, 11:43 GMT 16:43 PST

رلائنس ڈیل سے شیئرز میں اضافہ

انڈیا کے سب سے بڑے صنعتی گروپ رلائنس کے مالکان میں معاہدہ ہونےکے بعد انڈیا میں حصص کی قیمتوں میں ریکارڈ اضافہ ہوا ہے۔

رلائنس کے مالک دو بھائیوں کے درمیان ہفتے کو ڈیل ہو ئی جس کے بعد رلائنس انڈسٹریز کے حصص کی قیمت میں چھ فیصد اضافہ ہوا اور پیر کے روز ممبئی کی سٹاک مارکیٹ کا انڈیکس 6,984.55 کی ریکارڈ سطح پر بند ہوا۔

870 بلین روپے کا کاروبار کرنے والی رلائنس انڈسٹریز کے مالکان ’امبانی برادران‘ کے درمیان معاملات گزشتہ سال نومبر میں خراب ہو گئے تھے۔

امبانی برادران رلائنس کے ایک تہائی کے مالک جو کی بمبئی سٹاک ایکسچینج کا 12 فیصد ہے۔

ہفتے کو ہونے والی ڈیل کے مطابق ریلائنس انڈسٹریز کا پٹرول اور دواسازی کا کاروبار بڑے بھائی مکیش امبانی کے حصے میں آگیا ہے جبکہ انیل امبانی ٹیلی کام اور بجلی کے کاروبار کی دیکھ بھال کریں گے۔

دونوں بھائیوں کے درمیان صلح کا اعلان ان کی ماں نے کیا۔