مرزاپور 2: انڈین سوشل میڈیا صارفین ایمازون کی ویب سیریز کا بائیکاٹ کیوں کرنا چاہتے ہیں؟
،تصویر کا ذریعہAmazon Prime
انڈیا میں سوشل میڈیا پر 'بائیکاٹ بالی وڈ' یا کسی مخصوص فلم کی مخالفت کوئی نئی چیز نہیں ہے۔ کسی کے خیال میں یہ تشہیر کی دانستہ کوشش ہوتی ہے تو کوئی کہتا ہے کہ اس کے پیچھے کسی پرانے قضیے کا شاخسانہ ہوتا ہے۔
گذشتہ دنوں ویب سیریز 'مرزاپور 2‘ کا ٹریلر ریلیز ہوا ہے اور ایمازون کی یہ سیریز اکتوبر کے آخری ہفتے میں ریلیز ہو رہی ہے۔ بدھ کی صبح سے ٹوئٹر پر انڈیا کے ٹاپ ٹرینڈز میں 'بائیکاٹ مرزا پور 2‘ شامل نظر آیا۔
پہلی نظر میں یہ بات سامنے آتی ہے کہ اس ویب سیریز کی مخالفت انڈیا میں گذشتہ سال متعارف کرائے جانے والے شہریت کے متازع قانون (سی اے اے) کی مخالفت کرنے کے سبب ہے۔
اس بائیکاٹ کی حمایت کرنے والوں نے بڑی تعداد میں یہ لکھا ہے کہ چونکہ اس کی کاسٹ اور اس کے پروڈیوسرز نے شہریت کے قانون کی مخالفت کرنے والوں اور اس کے خلاف انڈیا بھر میں مظاہرہ کرنے والوں کی حمایت کی تھی، اس لیے وہ اس ویب سیریز کی مخالفت کر رہے ہیں۔
یہ بھی پڑھیے
End of سب سے زیادہ پڑھی جانے والی
مہیش وکرم ہیگڑے ٹوئٹر پر ایک سرگرم صارف ہیں جن کے ڈیڑھ لاکھ سے زیادہ فالوورز ہیں اور وہ اپنے پروفائل پر اس بات پر فخر کرتے ہیں کہ انھیں وزیر اعظم نریندر مودی فالو کرتے ہیں۔
انھوں نے گذشتہ روز مرزاپور 2 میں مرکزی کردار ادا کرنے والے اداکار علی فضل کا ایک ویڈیو پوسٹ کرتے ہوئے ٹویٹ کیا: ’بالی وڈ کے اس اداکار نے سی اے اے کے خلاف مظاہرے کے دوران بیرون ملک انڈیا کو بدنام کیا۔ جلد ہی ویب سیریز 'مرزاپور 2' ریلیز ہونے والی ہے۔ امید کرتا ہوں کہ آپ کو معلوم ہوگا کہ کیا کرنا ہے۔‘
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 1
ان کے اس ٹویٹ کو کم از کم ڈھائی ہزار بار ری ٹویٹ کیا گیا ہے اور اس کے ساتھ بہت سارے کمنٹس بھی آئے ہیں۔ آدھیرا سپیکس نامی صارف نے 'بائیکاٹ مرزاپور2' کے ہیش ٹیگ کے ساتھ لکھا: 'اب ایسے لوگوں کی کوئی فلم یا ویب سیریز نہیں جو اپنے ملک کے وفادار نہ ہوں۔'
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 2
بی جے پی کارکن سری کانتھ بی جے پی نامی صارف نے لکھا: 'ہندوؤں سے نفرت کرنے والے علی فضل کے مرزاپور 2 کا بائیکاٹ کریں۔'
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 3
بہت سے صارفین نے 'بائیکاٹ مرزاپور2 ' کے ساتھ علی فضل کے ایک پرانے ٹویٹ کو پوسٹ کیا ہے جس میں انھوں نے مبینہ طور پر لکھا ہے وہ پہلے مجبوری میں سی اے اے کی مخالفت میں اترے تھے لیکن ’اب مزا آ رہا ہے۔'
،تصویر کا ذریعہtwitter/PrimeVideoIN
انڈیا کے سلامتی کے مشیر اجیت ڈوبھال کے فین کے نام سے ٹوئٹر ہینڈل چلانے والے صارف نے علی فضل اور وکرانت میسی کے ٹویٹس کی فوٹو شاٹ کے ساتھ لکھا ہے کہ 'مرزاپور کے دونوں لیڈ ایکٹرز نے انڈیا کے خلاف بیان دیا ہے اور سی اے اے مخالف مظاہرے کی حمایت کی ہے۔ فرحان اختر اس سیریز کے شریک پروڈیوسر ہیں۔ کیا یہ بات مرزاپور 2 کا بائیکاٹ کرنے کے لیے کافی نہیں۔'
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 4
لیکن 'بائیکاٹ مرزاپور 2' کے ہیش ٹیگ کا جواب دینے والے لوگ بھی سرگرم ہیں اور وہ طرح طرح کے میمز شیئر کر رہے ہیں اور اس ٹرینڈ کی حمایت کرنے والوں کا مذاق اڑا رہے ہیں۔
لیتھیم ڈراپ نامی ٹوئٹر ہینڈل سے پریانک پرمار نے لکھا: یہ کیا گندگی مچائی ہے! آپ لوگ کنگنا راناوت اور انوپم کھیر جیسے بالی وڈ سٹارز کی صرف اس لیے حمایت کرتے ہو کہ اکشے کمار نے کہا ہے کہ 'سارا بالی وڈ گندا نہیں ہے۔' اور علی ظفر کا دوسرا نقطۂ نظر ہے تو آپ اس کا بائیکاٹ کر رہے ہو؟ کوئی کام تلاش کرو اور ہر چیز پر بائیکاٹ لکھنا بند کرو۔'
،تصویر کا ذریعہTwitter/lithiumdrop_
خیال رہے کہ اس میں اداکار سوشانت سنگھ کے سپورٹرز بھی شامل ہیں اور وہ یہ لکھ رہے ہیں کہ چونکہ اداکار فرحان اختر نے رھیا چکرورتی کی حمایت کی ہے اس لیے ان کی ویب سیریز کی مخالفت کی جانی چاہیے۔
نکیتا سنگھ نامی صارف نے لکھا: آپ لوگ جانتے ہو کہ بتانے کی ضرورت ہے؟ پروڈیوسر فرحان اختر۔ فرحان اور اس کے اہل خانہ نے کئی مواقع پر رھیا کی مدد کی۔ مرزا پور گالی گلوچ پر مبنی ہے اور آپ اپنے گھر والوں کے ساتھ اسے نہیں دیکھ سکتے۔'
،تصویر کا ذریعہTwitter/itsjustice4ssr
گذشتہ روز ایمازون کی جانب سے جاری مرزاپور2 کے ٹریلر کو لاکھوں مرتبہ دیکھا جا چکا ہے اور اس 11 لاکھ لوگوں نے پسند کیا ہے تو 21 ہزار لوگوں نے ناپسند۔۔
اس سے قبل 'مرزاپور' کے نام سے جو سیریز آئی تھی وہ کافی مقبول ہوئی تھی اور اس کے اداکاروں کو ڈرامہ زمرے میں بہترین اداکاری اور معاون اداکاری کے لیے انعامات بھی ملے تھے۔
مرزا پور انڈیا کی سب سے بڑی ریاست اترپردیش میں ایک ضلع ہے۔ لیکن اس ویب سیریز میں یہ دکھایا گیا ہے کہ مشرقی اترپردیش میں اسی کا دبدبہ قائم رہ سکتا ہے جس کا مرزاپور پر کنٹرول ہو۔
مرزاپور2 میں پرانے اداکاروں کے ساتھ کچھ نئے اداکار بھی شامل ہوئے ہیں جن میں وجے ورما، پریانشو اور ایشا تلوار شامل ہیں۔ اس سیریز کے لیے زیادہ تر شوٹنگ ضلع مرزاپور اور اس کے نواحی اضلاع میں ہوئی ہے۔ پرانے اداکاروں میں پنکج ترپاٹھی، علی فضل، دویندو، شویتا ترپاٹھی، راکیش دگل اور ہرشیتا شیکھر گوڑ شامل ہیں۔
یہ ویب سیریز 23 اکتوبر سے امیزون پرائم ویڈیوز پر مختلف ہندوستانی زبانوں میں نشر کی جائے گی۔
