Шаш низомии Гурҷистон дар ҳамлаи интиҳорӣ дар Афғонистон кушта шуданд

Мақомҳои вилояти Ҳилманд дар ҷануби Афғонистон гуфтаанд, ки дар асари як ҳамлаи интиҳорӣ дар вулусволии Навзоди ин вилоят шаш сарбози нерӯҳои эъзомии Гурҷистон кушта шудаанд.

Умар Завок, сухангӯи волии Ҳилманд ба Би-би-сӣ гуфтааст, ки як муҳоҷими интиҳорӣ мутури комюни ҳомили маводди инфиҷориро ба як пойгоҳи низомиёни гурҷистонӣ кубид ва онро мунфҷир кард.

Оқои Завок гуфтааст, ки маводди ҷосозишуда дар мутури ҳомили интиҳорӣ аз роҳи дур кунтрул мешуд.

Ин ҳамла рӯзи гузашта, панҷшанбеи 6-уми июн ҳудуди соъати чаҳору си дақиқаи баъд аз зӯҳр ба вақти маҳаллӣ дар муқобили як пойгоҳи низомиёни хориҷӣ рӯй дод ва илова бар шаш кушта нӯҳ захмӣ ҳам бар ҷой гузошт.

Хабарнигори Би-би-сӣ гуфтааст, ки дар ин пойгоҳи мутааллиқ ба нерӯҳои хориҷӣ, умдатан нафароти артиши омрикоӣ мустақар ҳастанд ва теъдоди каме аз сарбозони гурҷистонӣ ҳам дар он ҳузур доранд.

Вилояти Ҳилманд аз нуқоти ноороми Афғонистон дар ҷануби аст ва бо Покистон марзи муштарак дорад.

Рӯйдоди мушобеҳе моҳи гузашта дар вулусволии Мусиқалъаи Ҳилманд ҷони се сарбози ва як афсари гурҷистониро гирифт.

Гурҷистон беш аз 1500 низомӣ дар нерӯҳои НОТУ дар Афғонистон дорад, ки умдатан дар ҷануби афғонистон мустақар ҳастанд.

Аз соли 2004 ба ин сӯ ҳудуди си тан аз низомиёни Гурҷистон дар Афғонистон кушта шудаанд.