le Cathy NicDhòmhnaill

Available for 27 days

Thèid tachartasan a chumail an t-seachdain sa tighinn gus daoine a dhèanamh nas mothachail air foill, mar phàirt de Scam Safe Week leis a' BhBC. Ach dè na cunnartan a th' ann, is ciamar a thèid againn air a bhith buileach faiceallach? Tha Shelagh Chaimbeul bho Inbhean Malairt na h-Alba còmhla ri Cathy son a mhìneachadh. Dh'fhosgail taigh-seinnse ann an Obar Dheathain far nach eil deoch-làidir ri fhaighinn idir - ach a bheil daoine dha-rìribh ag òl nas lugha an-diugh na b' àbhaist? Cluinnidh sinn bho thriùir aig a bheil am beachdan fhèin air a' chuspair sa. Agus tha Coinneach Mac a' Ghobhainn ann an Inbhir Lòchaidh a-rithist cuide ri dithis a tha air leth eòlach air eachdraidh an Dàrna Blàr an Inbhir Lòchaidh, ann an 1645. 'S iad sin Eòghann MacEunraig agus Iain MacAonghais, agus eadar òrain, bàrdachd, is sgeulachdan beul-aithris ceangailte ris a' bhlàr tha gu leòr ri ionnsachadh mu shabaid nimheil eadar Goill is Gàidheil, Caimbeulaich is Dòmhnallaich, neo Cùmhnantaich is Feachdan a' Rìgh.