Doorashada Nigeria 2023: Natiijada doorashada madaxweynaha iyo baarlamaanka

Musharraxii helaa codadka ugu badan iyo 25% codadka laga dhiibtay 24 gobol oo kamid ah 36 gobol ee Nigeria ayaa noqon doona Madaxweynaha cusub ee waddankaas. Haddii ay musharraxiintu gaari waayaan codadkaas, waxaa 21 maalmood gudahood lagu qaban doonaa doorasho ku celis ah, arrintaas oo aan horay uga dhicin Nigeria.

Musharraxa ku guulaysta doorashada maanta ayaa waxaa horyaalla caqabado ay kamid yihiin dhaqaalo xumo baahsan, suuq gelinta lacagta cusub ee Naira, shaqo la'aan haysata dhalinyarada iyo amni darro horseeday dhimashada in ka badan 10 kun oo qof sanadkii tegay.