Cirbixiyeen Japan u dhashay oo la ogaaday sabab layaab leh oo uu isu dilay

Nin u shaqaynayay wakaaladda cirbixiyeenada dalka Japan ee Jaxa oo is dilay sannadkii 2016-kii ayaa la shaaciyay sababtii uu isu dilay kadib baaritaan la sameeyay.

Ninkan oo lagu magacaabi jiray Yukinobu Sato oo 31 jir ah ayaa la sheegay in uu isu dilay maadaamaa shaqada laga badiyay, islamarkaasna uu shaqaynayay 70 saacadood oo dheeraad ah bishii, kuwaas oo uusan lacag ku qaadan jirin.

Waxaa la sheegay in loo dhiibay shaqo leh bartilmaameedyo aanan la gaari karin oo cayiman, taas oo keentay in uu shaqeeyo saacado dheeraad ah.

Dowladda Japan ayaa soo rogtay sharci cusub oo lagu dhimayo dhaqanka shaqaynta saacadaha badan, wuxuuna sharciga cusub dhigayaa in qofka uusan shaqayn karin wax ka badan 45 saacadood oo dheeraad ah bishii, shirkaddii ku xad gudubtana waxaa la ganaaxayaa lacag.

Sannadkii 2017-dii waxaa is dishay illaa 200 qof, sababtuna ahayn shaqada tirada badan oo loo yaqaano Karoshi.