Nin 40 sano jir ah oo dalka Hindiya ku kufsaday gabadh saddex sano jir ah

Gabadh saddex sanno jir ah oo ku nool dalka Hindiya ayaa xaaladdeeda caafimaad laga dayrinayaa, ka dib markii uu nin daris la ahaa ku kufsaday magaalada Delhi.

Ninka falkan lagu soo eedeeyey ayaa ah 40 sano jir waardiye ah oo ka howlgalayey dhismaha ay gabadha yar ku nooleyd.

Xabsiga ayaa loo taxaabay ninka lagu soo eedeeyay dambigan.

Booliska ayaa helay gabadha oo suuxsan, isbitaalka ayeyna ula carareen, halkaas oo ay qalliin ku marayso.

Falkan ayaa dhacay maalintii Axada ahayd, xilligaas oo ku beegnayd lix sanno guuradii ka soo wareegatay markii ay koox rag ah si wada jir ah gabar ardayad ah ugu kufsadeen basuu lahaa Iskuul ku yaalla magaalada Delhi.

Madaxa guddiga dumarka ee magaalada Delhi ayaa tiri " Dhacdadan niyad jab ayey ku noqotay dalka oo dhan".

dad fara badan oo ka carooday dhacdadan ayaa sameeyay dibadbaxyo ay uga soo horjeedaan dhacdadan.

Waalidka dhalay gabadhan, ayaa guriga ka maqnaa xilligii uu falka kufsiga ah dhacayay.

Skip Ugu akhris badan and continue reading
Ugu akhris badan

End of Ugu akhris badan

Ninka dambigan lagu eedeeyey ayaa la sheegay inuu gabadha yar ku sasabay nacnac.

Booliska ayaa diiwaan galiyey kiiska, waxa ayna sheegeen in ganaaxa ama xukunka qofka gaystay falkan uu noqon karo dil.

Heerka kufsiga ee dalka Hindiya

  • Ilmo ka yar 16 sanno ayaa 155 daqiiqo oo kasta ka dib lagu kufsadaa dalka Hindiya.
  • Carruur ka badan 10,000 ayaa la kufsaday tan iyo 2015-kii.
  • 240 milyan oo haween ah ayaa Hindiya lagu guursadaa, iyagoo aan gaarin 18 sanno.
  • 50% dadka xadgudub yada carruurta u gaysta ayaa ah "dad lagu aaminay ama ilaaliyeyaal u ah"

Xigashada: Dowladda Hindiya iyo hay'adda Unicef