'Isaga tag Lubnaan' waa hadalka uu ra'iisul wasaaraha Ingiriisku u sheegaya muwaadiniinta dalkiisa

Ra’iisul wasaaraha Ingiriiska ayaa u sheegay muwaadiniinta dalkiisa in ay isaga baxaan Lubnaan, kadib markii uu sii xogaystay dagaalka u dhaxeeya Xisbullah iyo Israa’iil.

Keir Starmer ayaa yiri, “Waxaan hawlgalinaynaa qorshayaasha badbaada” waxa uuna ka digay in qarka loo saaran yaay dagaal baaxad leh.

Wasaaradda difaaca ayaa waxay 700 oo askari u diraysaa Qubrus si ay ugu diyaar garoobeen soo daabulista muqaadiniinta Ingiriiska ee ka imaanaya Lubnaan. SIdoo kale dowladda ayaa waxay sii wadda in ay muwaadiniinta ugu digto in ay u safraan Lubnaan.

Muwaadiniinta Ingiriiska ayaa waxaa lagula taliyay in ay qaataan duulimaadyo ay uga baxayaan dalka, balse waxaa aad u kooban siyaabaha lagu heli karo duulimaadyada, maadama inta badan diyaarihii ay joojiyeen shaqada marka la ga soo tago tan qaranka.

Xaaladda dalka oo toodbaad gudihiis ay duqaymaha Israa’iil ku dileen in ka badan 560 ruux ayaa lagu tilmaamay mid aad u sii xumaaneysa.

Wasiirka caafimaad ee Lubnaan ayaa waxa uu sheegay BBC da in waxa ka dhacaya dalkiisa ay yihiin burbur aad u xun”, maadaama isbitaaladu ay aad ula tacaalayaan kana badin la’ yihiin la tacaalidda dhaawacyada ka dhashay labo maalin oo duqaymaha Israa’iil ee bartilmaameedanaya Xisbullah ay

Tiro lagu qiyaasay 10,000 oo muwaadiniin Ingiriis ah ayaa waxa ay ku sugan yihiin dalka Lubnaan.

Muwaadiniinta Mareykanka ayaa sidoo kale loo sheegay inay dalka isaga baxaan. Safaaradda Mareykanka ee Lubnaan ayaa sheegtay in inta badan shirkadaha diyaaradaha ay hakiyeen ama baajiyeen duullimaadyadii iyadoo duulimaadyo badan la iibiyay, waxayna dadka ku boorisay inay goostaan tigid kasta oo la heli karo.

Ku dhawaad diyaarad kasta oo ka hawlgasha Lubnaan ayaa joojisay duullimaadyadii iyo ka bixistii dalka marka laga reebo diyaaradda qaranka ee Duulimaadyada Bariga Dhexe (MEA).

Alistair, oo haysta dhalashada Ingiriiska oo qaba haweeneey Lubnaani ah oo ku nool Beirut, ayaa sheegay in nolol maalmeedka ay inta badan u socoto si caadi ah.

Mar wax laga weydiiyay sii xoogeysiga khilaafka, wuxuu u sheegay BBC da ra’iisul Wasaarahu: “Waa heer ka duwan kii hore” xaalka Lubnaan.

700 oo askari oo British ah oo loo dirayo Qubrus ayaa ku biiri doona 500 oo askari oo loo diray xagaagii kuwaas oo qayb ka ah qorshaha gurmadka ee MOD ee hawlgalka daadgureynta ee la filayo in loo baahdo.

Labo markab oo kuwa dagaalka ah oo laga leeyahay dalka Ingiriiska ayaa horey gobolka ugu sugnaa iyo diyaaradaha ciidamada cirka ee Royal Air Force iyo diyaaradaha qumaatiga u kaca oo heegan ku jira.

Mar lagu weydiiyay barnaamijka BBC Radio 4 ee Today in uu dareemay in dunidu ay qarka u saaran tahay dagaal ka dhaca ah bariga dhexe, ayuu ra’iisul wasaaraha Ingiriisku waxa uu sheegay in uu "aad uga walaacsan yahay".

Waxa uu ku celceliyay baaqiisa ah in xabad joojin degdeg ah la sameeyo, lana dejiyo xaalka, isaga iyo wasiiro kale oo wada jooga.

Xoghayaha Difaaca John Healey ayaa yiri: “Waxaan sii wadeynaa inaan ku boorino dhammaan dhinacyada inay dib uga laabtaan colaadda si looga hortago khasaare kale oo nololeed oo naxdin leh.

"Xukuumaddeennu waxay hubinaysaa in dhammaan diyaar-garowga lagu taageerayo muwaadiniinta British-ka ah haddii xaaladdu xumaato.

"Waxaan rabaa inaan u mahadceliyo shaqaalaha British-ka ah ee ka howlgalaya gobolka sida ay uga go'an tahay iyo xirfaddooda."

Healey ayaa galabnimadii Talaadada kulan la qaadatay wasiirro akale, taliyayaasha sirdoonka iyo dublamaasiyiinta si ay uga shaqeeyaan qorshayaasha dowladda ee ku aadan Lubnaan.