Waa kuma ninka xididnimada iyo xurmadu kala dhaxayso Iiran ee la filayo inuu qabto hoggaanka Xisbullaah?

Ciidamada Israa’iil ayaa si rasmi ah u shaaciyay Sabtidii, in ay dileen xoghayihii guud ee Xisbullah Xasan Nasrallah, weerarro lagu beegsaday xarunta xisbiga oo ku taalla duleedka koonfureed ee caasimadda Lubnaan ee Beirut, Jimcihii.

Xisbullah ayaa aamusnaan muddo ah ka dib dhankeeda war rasmi ah oo ay soo saartay ku xaqiijisay in l adilay xoghayahii guud ee ururka Xibisbullah oo kooxda hoggaaminayey mudo soddon iyo labo sanao ah.

Dilka Nasrullah ka dib dhacdooyin badan ayaa dul hoganaya masraxa siyaasadda kuwaas oo keenaya su’aalo badan oo la iska waydiinayo mustaqbalka ururka Xisbullaha iyo dhaqdhaqaadooqada.

Arrinta ugu weyn ee miiska saaran waa cida uu yahay qofka noqonayo murashaxa ugu cad cad ee beddelaysa Nasrullah ee hogaamin doono kooxda oo xilligan dagaal kula jirta Israa’iil.

Khubaro badan ayaa aaminsan in Hashem Safi al-Din, oo ah madaxa golaha fulinta ee Xisbullah, ahna hoggaamiyaha labaad ee ugu sarreeya, uu yahay musharraxa ugu cad cad ee beddelaya Nasrallah.

Waa kuma Hashem Safi al-Din?

Hashem Safi al-Diin, ninka loo badinayo inuu noqdo hoggaamiyaha Kooxda waxay ilmo-abti yihiin Xasan Nasrullah, waxayna sidoo kale xidid yihiin taliyihii hore ee ciidamada Quds ee ilaalada kacaanka Iiran Qaasim Suleymaani.

Wuxuu ku dhashay sanadkii 964-tii magaalada Deir Qanoun al-Nahr ee gobolka Tire ee koonfurta Lubnaan. Wuxuu wax ku bartay Najaf iyo Qom, sida Xasan Nasrallah, wuxuuna ka mid ahaa aasaasayaashii Xisbullah sannadkii 1982-kii.

Sanadkii 1994-tii ayuu Nasrullah ka beddeley madaxa ka golaha fulinta ee Xisbullah markii Xasan Nasrullah laga dhigay xoghayihii guud ee xisbiga ka dib markii Israa’iil ay dishay Cabbaas al-Musawi oo ahaa xoghayaha Xisbullah weerar loo adeegsaday diyaarad nooca qumaatiga u kacda ah.

Khubarada ayaa rumeysan in loo diyaarinayey inuu hogaamiyo xisbiga tan iyo 1994-kii, kadib markii uu wax ku bartay magaalada Qom ee dalka Iran.

Safi al-Diin, ayaa loo xilsaaray inuu la socdo dhaq-dhaqaaqyada siyaasadeed, bulsho, dhaqan iyo waxbarasho ee Xisbullah, wuxuuna ka mid yahay 7 xubnood oo la doortay oo ka tirsan Golaha Shuurada ee Xizbullah, waxaana la sheegay inuu ku xigi doono Nasrallah. Mareykanka iyo Sacuudiga ayaa Safi al-Din,u aqoonsaday argagixiso bishii May 2017-kii.

Ninkan ayaa xiriir dhow la leh Iran iyadoo la tixgalinayo xirirka guur. Walaalkiis, Cabdullah Safi al-Din, ayaa ah wakiilka Xisbullah eeTehran, ayaa guursaday gabadha wadaadka Shiicada ah ee Mohammad Ali al-Amin, oo xubin ka ah golaha sare ee shareecada Islaamka ee dalka.

Wiilkiisa Rida, ayaa guursaday Zaynab Qaasim Sulaymaani sanadkii 2020-kii, isla horraantii sanadkaas ayuu Qaasim Suleymaani ku dhintay weerar ay fuliyeen diyaaradaha an duuliyaha lahayn ee Maraykanka oo ka dhacay Baqdaad.

"Isku ekaanshaha labada nin"

Khubaradu waxa ay aaminsan yihiin in waxa kordhinaya fursadaha lagu dooran karo Safi al-Din, inuu ku guulaysto Nasrallah ay tahay dariiqii la midka ahaa ee ay labada nin ku hogaaminayeen xisbiga.

Magaca Safi al-Diin, ayaa ka soo dhex muuqday masraxa siyaasadda Lubnaan, ka dib markii uu muddo dheer doorkiisa ahaa daaha gadaashiisa ka dib markii la adkeeyay ammaanka Nasrallah, taas oo keentay in uu ka soo muuqdo marar badan oo ka mid ah hawlaha xisbiga, gaar ahaan ka qaybgalka. Xafladaha aaska ee xubnaha xisbiga ama dagaalladii uu xisbigu ka waday Suuriya oo ay kula jireen mucaaradka taageersan madaxweyne Bashaar Al-asad.

Dadka qaar ayaa aaminsan in sanadihii uu Safi al-Diin ku qaatay magaalada Qom ee dalka Iran ay saameyn ku yeesheen fikirkiisa siyaasadeed. Mid ka mid ah qoraaladiisa, Safi al-Diin wuxuu kaga hadlay waaya aragnimada culimadii Shiicada ee Qom, muhiimadda ay leedahay marka loo eego waayo-aragnimadii Najaf, iyo saameynta ay ku leedahay fikirka siyaasadeed ee Shiicada Lubnaan.

Sida lagu sheegay mareegta Cilmi-Baarista ee Arab Center for the Study of Extremism, ninkan ayaa taageere weyn u ah fikraddaha Imaan Khumayni.

Waxa kale oo uu caan ku yahay ku lug lahaanshaha arrimaha ciidamada ee xisbiga. Dadka qaar ayaa aaminsan in uu door muhiim ah ka ciyaaro maamulka garabka amniga ee Xisbullah, isaga oo ka dhigaya shaqsi laf dhabar u ah dhismaha xiriirka caalamiga ah ee xisbiga, gaar ahaan Iran iyo Syria.

"Ciqaabtu waa soo socotaa"

Xisbullah ayaa bilaawday howlgal militari oo socday bilo, kaas oo bilowday 8-dii bishii October ee sanadkii hore, iyagoo weeraro gantaalo iyo kuwa aan duuliyaha lahayn ku qaaday waqooyiga Israa’iil.

Iyaga oo ka jawaabaya weerarrada joogtada ah ee Xisbullah, ciidanka Israa’iil ayaa weerar gantaallo ah ku qaaday xarunta taliska Xisbullah ee Jwaya ee koonfurta Lubnaan June 11, 2024, halkaas oo ay ku dileen Talib Sami Abdullah, oo ah taliye rug-caddaa ah, iyo saddex kale oo ka tirsan Xisbullah.

Iyaga oo ka jawaabaya weerarrada gantaallada ee Hezbollah, millatariga Israa’iil ayaa 14-kii June weerar gantaallo ah ku beegsaday guriga Safi al-Din oo ku yaalla magaaladiisa Deir Qanoun ee koonfurta Lubnaan.

Ilaha warbaahinta ayaa sheegay in weerarka lala beegsaday Safi al-Din, ku xigeenka hogaamiyaha Hezbollah, Naim Qassem, iyo aasaasaha xisbiga iyo hogaamiyihii hore, Subhi Tufayli.

Sebtembar 18-keedii, Safi al-Diin ayaa sidoo kale khudbad uu jeediyay intii lagu guda jiray aaska tiro ka mid ah dadkii lagu dilay qaraxyadii "isgaarsiintaPager" ee lagu beegsaday xubnaha Xisbullah ku xaqiijiyay in gardaradan "ay yeelan doonto ciqaab u gaar ah, iyo in ciqaabtan ay si lama huraan ah ayuu u iman doonaa,” isagoo raaciyay: “Waxaan wajihi doonaa qaab cusub iyo iska hor imaad cusub oo cadawga ah si ay u ogaadaan inaan nahay dad aan dib u laaban.”