Maxaad kala socotaa sida uu ahaa xiriirka Maraykanka iyo Ruushka 200 sano ee u dambeeyey

In ka badan 200 oo sano ayaa lagu qiyaasaa in uu jiray xidhiidhka Ruushka iyo Maraykanku. Muddadaasi waxa uu maray marxalado kala geddisan. Warbixintan ayaan ku eegaynaa sida uu isu bedbeddelay cilaaqaadka u dhexeeya labadaasi waddan muddadaas aadka u dheer.

Sannadku markuu ahaa 1809 ayaa taariikhdu xusataa in xidhiidh diblomaasiyadeed ee ugu horeeyay ee dhex mara Boqortooyadii Ruushka iyo Maraykanka.

Maaddaama Ruushanku xilligaas ay lahaayeen jireen Alaska oo markii dambe Maraykanku ka iibsaday. Waxay xuduud la lahaayeen gobolka hadda loo yaqaanno California.

Ganacsiga dhexdooda ayaa aad u kobcay gaar ahaan dhogorta xoolaha iyo badeecadaha. kale.

Xidhiidhkooda wanaagsani waxa uu sababay in 1860-aadkii, Ruushku uu maraakiib dagaal u soo diro dekadaha Mareykanka si ay u ilaaliyaan, xxilligaasi oo dadka Maraykanka ah ay is dilayeen.

Kaddib, 1867, Ruushku waxa laga iibsaday Alaska. Maraykanka ayaa kaga gatay $7.2 milyan oo xilligaas joogta oo manta u dhiganta $155 milyan.

Tobannaan sano waxaa jiray iskahorimaad toos ah oo laakiin aad u kooban ilaa laga soo gaadhay qarnigii 20-aad oo ay wax walba is beddleen.

Sannadkii 1917-kii boqortooyadu waxay ku jirtay jahwareerkii Bolshevik waxay ay yeesheen awood shuuci ah oo hor leh waxaanay abuureen dawladdii ugu horraysay adduunka ee Shuuci ah.

Taasina waxa ay abuurtay kala duwaaansho fikirka hanti wadaagga iyo hantigoosadka oo ka dhex qarxay maraykanka iyo Midowgii Soofiyetka qarnigii la soo dhaafay ee 20aad.

Taariikhdu waxay warinaysaa in heshiis aan cago badan ku taagnayn uu dhinacyadan dhex maray dagaalkii labaad ee adduunka markii Stalin iyo Roosevelt ay isu yimaadeen si ay ula dagaallamaan cadowga guud, Nazi Germany. Laakin midnimo ma sii waarin. Isla markii uu dagaalkaas dhammaaday, waxaa billowday dagaalkii qaboobaa.

Dunidu waxay u qaybsantay bari iyo galbeed. Xiisadda ayaana cirka isku shareertay.

Is xulafaysi ciidan iyo in hubka lagu tartamo ayaa meel walba ka bilowday. 1962 waxa uu ku sigtay in uu isu rogo masiibo caalami ah.

Sida xiisadda gantaalaha Cuba ayaa keentay in labada waddan ay qarka u fuulaan dagaal in nukliyeer la isu adeegsado ay suurtagal ku dhawaatay.

Hanjabaaddaasi ka dib waxa lagu qasbanaaday in dhinacyadu ay is xakameeyaan oo ay la dhimo tartankii dhinaca hubka.

Laakiin dabayaaqadii 1970-meeyadii waxa la gaadhay dildilaacii midowga nidaamkii Soofiyeedka. Iyadoo taasi beddelkeeda ay reer galbeedku sii badhaadhayeen dhaqaale ahaan.

Intaas waxa raacda, in 1979kii, Midowgii Soofiyeeti wuxuu ku duulay dalka Afgaanistaan isagoo taageeraya afgambigii dawladda ka dhank ahaa.

Inkasta oo uu dagaalku socday lix bilood oo kaiya haddana waxa uu jiitamayay ilaa 1988-kii, xilligaasi oo si weyn loo wiiqay Soofiyeedka.

Isbeddeladii ku yimid Mikhail Gorbachev ee Aqalka Kremlin-ka waxa Yurubta bari ay u aragtay in la joogo xilligii ay xoroobi lahyad.

Markii la gaadhay 1991-kii, Midowgii Soofiyeeti waa uu burburay. Dagaalkii qaboobaa wuu dhammaaday.

Tobankii sannadood ee xigay waxa bilowday xidhiidh cusub oo u dhaxeeya Washington iyo Moscow, dib u cusboonaysiinta iskaashiga hawada iyo hoos u dhigista hubka ayaa lagu guulaystay. Ururka G7 wuxuu noqday G8.

Ha se ahaatee, Ruushanka gondihiisa ayuu dagaal ka dhashay. Nidaamka cuusb ee dimuqraadiga ayaana dalkaasi ka abuuray colaado qowmiyadeed.

Jeer dambana xiisaddii hore ee hubka nukliyeerka iyo isbalaadhinta NATO ee Bariga Yurub ayaa cilaaqaadka labada xumaysay.

Sagaashameeyadii waxa uu Ruushku galay marxalad cusub waxa talada la wareegay talada wiil la yidhaa Vladimir Putin ayaa la wareegay , Maraykankana waxa madaxweyne loo doortay George W. Bush.

Muddo kooban ayuu xidhiidhku fiicnaaday. Waxaana dhacday in ay iska kaashadaan la-dagaalanka argagixisada ka dib weerarradii 11-kii Sebtembar, laakiin xidhiidhkaasi ma waarin.

Sannadkii 2014, Ruushku wuxuu Crimea ka qabsaday Ukraine, taasoo dhalisay cambaarayn caalami ah .

Dhacdo kale oo xidhiidhkooda shaanshaan ka tuuray waa markii uu Putin la saftay Bashaar Al-Asad intii lagu jiray dagaalka sokeeye ee Suuriya. Mar kalana waxa dhacday in Moscow lagu eedeeyay oo ay is difaacday faragelin ku samaysay doorashooyinkii Maraykanka ee 2016.

Kaddib markii uu Ruushku duullaan buuxa ku qaaday Ukraine bishii Febraayo 2022-kii, tallaabdasaasi waxa ay noqotay mid midaysay reer Galbeedka, waxaanu dib u soo celiyay walaacii laga qabay dagaal nuclear la isu adeegsado in uu dunida ka dhaco.

Dhammaadkii muddo-xileedka Biden ee Aqalka Cad, xidhiidhka Maraykanka iyo Ruushku wuxuu gaaray meeshii ugu hooseysay tan iyo dagaalkii qaboobaa.

Shan nin ayaa madaxweynayaal ka soo noqday Maraykanka intii uu Vladimir Putin talada Ruushka hayay uu ku sugnaa Aqalka Kremlin-ka. Soo noqoshada Donald Trump ayaa dad badan ay ku tilmaameen in ay keentay luuqad ka beddelan tii hore loo isticmaalayay. Laakin labda nine e kala hoggaamiyaa dalalka dunid augu xoogga badan ayaa qaba aragtiyo duwan. In dib loo soo nooleeyo xidhiidhkan cadowtinnimadu hadhaysay ayaa u baahan ficillo dhaafsiisan afka baarkiisa.