Maxaa ku qoran waraaqaha sirta ah ee laga soo dusiyey Mareykanka?

Maxay ku saabsan yihiin daraasiinta waraaqaha sirta ah ee waaxda difaaca Maraykanka – ee leh khariiradaha, Shaxda iyo sawirrada – kuwaas oo hadda internet-ka dhex wareegaya?

Jadwalka dhameys tiran iyo tobanaanka dhokumenti ee ay ku xusan yihiin erayada Milatariga ee aan la qarin Karin, kuwaas oo qaar lagu suntay “sir xasaasi ah” ayaa si fiican u muujinaya xogta dhameys tiran ee sawirka guud ee dagaalka Ukraine ka socda.

Waxay sheegayaan dhimashada iyo dhaawaca soo gaaray labada dhinacba,tabar darrada milatari ee labada dhinacba, iyo, gaar ahaan, sida ay awooddu noqon doonto marka Ukraine ay go'aansato in ay qaaddo duullaankeeda guga ee la filayo.

Hadaba sidey run u yihiin waraaqahan la daabacay ee aan laabnayn ee la sawiray, oo xataa suurta gal ah in ay qof miiska qadada u saaran yihiin? Maxayna inooga sheegayaan Ruushka oo aynaan horeyba u ogeyn?

Ugu horeyntii: Tani waa sirtii ugu weynieyd eel aga faafiyey dagaalka Ukraine tan iyo intii uu Ruusha dagaal buuxa kusoo qaaday Ukraine 14 bilood ka hor. Qaar ka mid ah dhokumentiyadu waxaabay jiraan wax ka yar lix isbuuc balse saamenytooda ayaa aad u baaxad weyn.

Waaxda gaashaandhigga Maraykanka ayaa laga soo xigtay in ay waraaquhu yihiin kuwo sax ah.

Xogta ugu yaraan mid ka mid ah waraaqaha ayaa u muuqatay mid is abddel lagu sameeyay, balse waraaqahan oo gaaraya ilaa 100 marka loo eego ayey taasi u tahay xog aad u yar.

BBC-da ayaa aragtay in ka badan 20 ka mid ah dhokumentiyadan. Waxaana ku jira xogo dhameys tiran oo ku saabsan tirooyin tababarra ah iyo qalab la siiyey Ukraine iyada oo xuseysa in ka badan toban guuto oo cusub oo loo diyaariyey weerar dhici doona toddobaadyo gudahood.

Waxaa ku xusan goorta guutooyinku ay diyaar noqonayaan waxayna taxayaan waraaquhu dhamaan tirade taangiyada dagaalka, gawaarida gaashaaman iyo madaafiicda dagaalka ee xulafada galbeedku ku taageereen Ukraine.

Balse waxaa ku qoran in “ xlliga gaadhsiinta ee qalabku uu saameyn doono tababarka iyo diyaar garowga”.

Mid ka mid ah waraaquhu waxay muujinaysaa “sawirka dhulka dhoobo barafowday”, si loo qiimeeyo xaaladda dhulka ee bariga Ukraine inta uu gugu socdo.

Ka dib jiilaalkii tijaabiyey awoodda kama dambeysta ah ee dicaafa circa Ukraine, waxaa sidoo kale jira falanqeyn hoos u dhaca awoodda difaaca hawada ee Ukraine, iyada oo dooneysa inay isu dheelitirto ilaheeda difaac si ay u ilaaliso dadka rayidka ah, dhismayaasha xasaasiga ah iyo ciidamadeeda furinta hore ku jira.

Wax intee dhan oo xogtan ah ayaa cusub?

Qaar badan oo ka mid ah xogtani waa mid aynu hore u ogeyn. Balse tiro badan oo kale ayaa jirta, hal meel ayeyna ku qoranyihiin.

Ka soo qaad tirada dhanka khasaaraha nafeed. Waxaa xoogaa kedis ah qiyaasta Maraykanka ee ah in Ruusha ay soo gaareen dhimasho ama dhaawac gaaraya inta u dhaxeysa 189,500 ilaa 223,000 oo ciidamada Ruushka ah.

Halka dhanka Ukraine ee isla xogtan ay muujinayso khasaare nafeed oo gaaraya 124,500 ilaa 131,000 askari oo sidoo kale la eg qiyas loosoo koobay warbaahinta todobaadyo ka hor.

Labada dhanba wuxuu Pentagon-ku sheegay inuu ku qabo “kalsooni hoose” dhanka tirade, daldaloolada xogta, halwgalka amniga iyo marrin habaabin si ula kac ah ay labada dhinacba u sameyn karaan.

Sida muuqata halkan ayey ahayd Meesha laga sameeyaya isku dayga ah in wax laga badalo waraaqaha si loogu ekeysiiyo in Ukraine ay khasaaraha ugu xun wajaheyso.

Mid kasoo muuqday mareeg taageerta Ruushka ayaa tirada “askarta Ukraine loogaa dilay dagaalka” oo ahayd (“16 kun ilaa 17.5 kun”) u badehsay (“61 kun ilaa 71.5 kun”) halka tirade dhanka Ruushka la dhimay.

Isku soo duuduuboo, waxay isgu biyo shubaneysaa su’aasha ah, yaa dusiyey waraaqahan, Maxayna tahay sababtu?

“Eeg, Waraaqahan sirta ah”

Sheekada ah sida ay waraaqahani kusoo gaareen halka fariimaha la isugu diro ee Discord ka dibna ugasoo gudbay 4Chan iyo Telegram ayaa waxaa sheegay baaraha khaaska ah ee ururka baaritaannada siraha ee Bellingcart Aric Toler.

Toler wuxuu sheegay in aanay weli u suurta gelin inuu helo ishii asalka ahayd ee dusisay waraaqaha, balse balse wuxuu kusoo gunaanaday in markii u horeysay ay kasoo muuqdeen barta fariimaha ee caanka ku ah dadka ciyaara ciyaaraha internet-ka.

Afartii Maarso,ka dib dood ku saabsan dagaalka Ukraine oo ku dhex martay kuwa adeegsada barta Discord oo ay badanaa ku kulmaan ciyaaryahannada cirtaa Minecraft, ayuu mid ka mid ah adeegsadayaashu soo qoray “eeg, waraaqahan sirta ah”, wax yar uun ka hor inta aanu soo harqinin ilaa 10 ka mid ah waraaqaha.

Wax aacdi ah ma aha sidan oo kale, balse sidoo kale ma aha mid aan waligeed la arkin dusintan oo kale.

2019 kii ka hor doorashadii UK, waraaqo ku saabsan xiriirka ganacsi ee Maraykanka iyo Ingiriiska ayaa kasoo muuqday baraha bulshada sida, Reddit, 4Chan iyo kuwa kale.

Xilligaas waxay shirkadda Reddit sheegtay in asalkii waraaqahan uu ka yimid Ruushka.

Si la mid ah sannadkii tagey, ciyaar yahannada ciyaarta online-ka ee War Thunder ayaa se is daba jog ah usoo daabacay dhokumentiyo xasaasi ah oo milatari, si ay dood u dhaxeysay ugu kala guuleystaan. Tan hadda ugu dambeysay way ka xasaasi santahay kana halis badan tahay kuwii hore.

Ukraine ayaa si wnaagsan u ilaalisa “xogteeda amniga” mana ku faraxsanaan karto in xogo sidan u xasaasi ah laga faafiyo xilligan aadka u adag.

Qaar ka mid ah dadka wax ka qora arrimaha millatariga ee internet-ka ayaa soo jeedinaya in tani ay tahay marrin habaabin reer galbeedku ay sameynayaan si ay ugu raad gadaan taliyeyaasha ciidamada Ruushka.