Dhulgariir ka dhacay Turkiga oo dhismooyinkii dhulka la simay

Hal qof ayaa ku dhintay dalka Turkiga ka dib markii dhulgariir cabbirkiisu yahay 6.1 uu ku dhuftay gobolka waqooyi-galbeed ee Balikesir fiidnimadii Axadda.

Haweeney 81 sano jir ah ayaa geeriyootay wax yar kadib markii laga soo saaray burburka magaalada Sindirgi ee xuddunta u aheyd dhulgariirka, sida uu sheegay wasiirka arrimaha gudaha Turkiga.

Ilaa 16 dhismo ayaa ku dumay gariirkii ka dhashay, waxaana ku dhaawacmay 29 qof, ayuu Cali Yerlikaaya hadalkiisa ku daray.

Hay'adda maaraynta musiibooyinka Turkiga ayaa sheegtay in dhulgariirka la duubay abaaro 19:53 waqtiga maxalliga ah (16:53 GMT), waxaana laga dareemay meel fog ilaa Istanbul.

Madaxweyne Recep Tayyip Erdogan ayaa soo saaray bayaan uu ugu rajeeyay soo kabasho degdeg ah qof kasta oo uu saameeyay, wuxuuna sheegay in dhammaan dadaallada soo kabashada si dhow isha loogu hayo.

"Ilaahay dalkeenna ha ka ilaaliyo masiibo nooc kasta ah," ayuu ku qoray barta X.

Baaritaannada iyo samata-bixinta ayaa hada lasoo gabagabeeyay, waxaana wasiirka arimaha gudaha uu sheegay in aysan jirin wax calaamado ah oo kale oo muujinaya khasaaro xooggan iyo dhimasho.

Sawirro laga soo qaaday Sindirgi, si kastaba ha ahaatee, waxay muujinayaan dhismayaal waaweyn oo gebi ahaanba dhulka la siman oo dhaadheer oo ka samaysan biro qalloocan iyo burburka.

Turkigu waxa uu ku yaallaa halka ay iska galaan saddex dhulal dhagaxaan fidsan ah oo waaweyn oo qaab-dhismeedkoodu uusan hagaagsaneyn, waxaana uu la kulmaa dhaqdhaqaaqyo badan oo natiijada ka dhalatay ah.

Bishii Febraayo 2023, in ka badan 50,000 oo qof ayaa ku dhintay markii dhulgariir cabbirkiisu yahay 7.8 uu burburiyay gobolka koonfur-bari ee dalkaas.

Ilaa 5,000 oo kale ayaa ku dhintay dalka deriska la ah ee Suuriya.

In ka badan labo sano ka dib dhulgariirkaas, boqollaal kun oo qof ayaa ku barakacay.

Digniinaha dhulgariirka Turkiga

Horraantii bishii hore shirkadda Google ayaa qiratay in nidaamkeeda ka diga dhulgariirka goor hore uu ku guuldarreystay in uu si sax ah digniin dadka ugu diro dhulgariirkii ka dhacay Turkiga sanadkii 2023-kii.

Toban milyan oo qof oo ku noolaa 98-da mayl ee ubucda dhulgariirka aheyd ayey Google uga digi kartay dadka ka hor inta uusan dhulgariirka dhicin 35 daqiiqadood si ay u helaan meel ammaan ah. Taa badalkeeda waxaa digniitii hore loo diray 469.

Shirkadda Google waxay u sheegtay BBC-da in nus milyan qof loo diray digniin heerkeedu hooseeyo taas oo loogu talogalay dhulgariirada aan weyneyn. Fariintaas dadka uma helin sida kuwa aadka u daran. Shirkadda waxay hore BBC-da ugu sheegtay in ay si fiican shaqada u qabatay ka dib baaris la sameeyay sanadkii 2023-kii.

Nidaamka ka diga dhulgariirka waxa uu ka shaqeeya dalal ka yar 100, waxayna Google u bixisay "Shabakada Google ee badbaadada". Inta badan nidaamkan wuxuu ka shaqeeya dalalka aanan laheyn digniinaha kale.

Nidaamka Google ee loogu magacdaray digniinaha dhulgariirka waxaa maamula shirkad ee dalalka ma maamulaan.

Nidaamkan wuxuu ku shaqeeya aaladaha ay ku jiraan barnaamijka Android kuwaas oo in ka badan 70 boqolkiiba taleefoonnada Turkiga loo adeegsado.

Dad ka badan 55,000 ayaa ku geeriyooday markii labo dhulgariir oo waa weyn ay ku dhufteen koonfur-bari Turkiga bishii Feberaayo sanadkii 2023-kii. Dad ka badan 100,000 ayaa ku dhaawacmay. Dad badan ayaa jiifay guryaha soo dumay markii uu dhulka ruxmay.

Nidaamka Google ee ka diga dhulgariirka si toos ah ayuu u shaqeynayay maalintii dhulgariirka balse wuxuu yareystay sida dhulgariirka u u xooganaa.