حماس لخوا د څلورو اسرائیليو ښځینه یرغملو د ازادېدو شېبه

له غزې څخه په دغو خپرو شویو تصویرونو کې ښکاري چې د حماس وسله وال څلور اسرائیلۍ یرغملې په یو لړ مراسمو کې سره صلیب ته سپاري.

د دغو مراسمو ځای ته د حماس ګڼ شمېر مخ‌پټي وسله وال او عام خلک راټول شوي وو.

ازادې شوې یرغملې اسرائیلۍ سرتېرې دي چې د ۲۰۲۳ کال د اکتوبر د اوومې برید پر مهال غزې سره پولې ته نږدې د اسرائیل له یوې پوځي اډې یرغملې نیول شوې وې.

دا د اسرائيل او حماس ترمنځ د اوربند له تړون وروسته د اسرائیلي یرغملو دویمه ډله ده، چې ازادېږي.