Fe ddechreuodd y Cwmni saith mlynedd yn ôl wedi i'r cyngor lleol benderfynu cau parc yn y Blaenau oherwydd diffyg adnoddau i ofalu amdano.

Yn barod yn gweithio gyda phobl ag anawsterau dysgu gwelais gyfle i droi'r argyfwng yn fusnes i roi gwaith i bobl dan anfantais a rhoi gwasanaeth i'r gymdeithas.

Pan ddywedodd y Cyngor eu bod nhw'n cau'r parc oherwydd diffyg adnoddau roedd o'n gyfle gwych i ni i ddechrau Cwmni a dysgu pobl sydd ag anawsterau dysgu i weithio.

Da ni'n gwmni sydd wedi creu cyfleoedd i bobl ag anableddau dysgu sy'n creu cyfleoedd ar gyfer pobl eraill, felly mae'r peth wedi'i wrth droi yn gyfangwbl.

Fe ffurfiodd y Cwmni mewn cydweithrediad a gwasanaethau Cymdeithasol Cyngor Sir Gwynedd ac, erbyn hyn, mae'n cyflogi 38, gydag 16 o'r rheiny ag anawsterau dysgu. Man cychwyn oedd y parc, gan fod y busnes bellach yn trin gerddi yn Llan Ffestiniog, yn meithrin a gwerthu planhigion, yn gwneud cynnyrch cartref, crefftau,cardiau cyfarch, blodau sych ac anrhegion.

Un o'r mentrau mwy diweddar yw'r gwasanaeth ailgylchu dodrefn.

Er ei fod yn fusnes arbennig, mae Seren cyf. Wedi manteisio ar wasanaethau nifer o asiantaethau lleol a chenedlaethol ac wedi cael cymorth arian o gronfeydd Ewropeaidd.

Roedd y Cwmni datblygu lleol, Antur Dwyryd Llyn, yn allweddol yn y busnes o ddatblygu Seren Cyf. Roedd eu cymorth yn cynnwys llunio cynllun busnes, dod o hyd i nawdd a chyngor busnes cyffredinol.

Roedd yna sawl ffynhonnell ariannol hefyd gan gymwys arian oddi wrth Gwlwm Gwledig Cyngor Sir Gwynedd er mwyn prynu canolfan ym Mlaenau Ffestiniog.

Mae honno'n enghraifft o rai o'r cronfeydd sydd ar gael yn benodol i helpu mentrau yng nghefn gwlad Cymru. Elfen arall hanfodol oedd manteisio ar brofiad mudiadau eraill sy'n gweithredu mewn modd tebyg mewn ardaloedd cyfagos.

Mae ein gweithgareddau yn fodd i ni weld cymaint fu dylanwad positif y cwmni yn y blynyddoedd diweddar, ac wrth i'r cwmni barhau i dyfu ac ehangu, dyna hefyd fydd yn digwydd o ran y manteision i'r gymuned yn gyffredinol.