Roedd y noson yn un gyffrous gyda phawb wedi gwneud ymdrech i edrych ar eu gorau. Roedd y bechgyn i gyd yn edrych yn smart iawn yn ei siwtiau a'u 'dicibows', a'r merched i gyd yn edrych yn hynod o bert yn eu henfys o liwiau.

Roedd yna lawer o ddawnsio a chymdeithasu a phawb yn llwyddo i wneud ffrindiau newydd. Tynnwyd raffl hefyd gydag amryw o anrhegion i'w hennill. Cafwyd hefyd fwyd arbennig oedd wedi ei baratoi gan y gwesty.

Fe ddiolchwyd yn fawr i'r prif ferch Enfys Hatcher a'r prif fachgen Daniel Davies am drefnu'r noson.

Erthygl gan Ffion Mai Evans.