|  |
 |
 |
 |
|
|
|
|
 Dathlu Gŵyl Ddewi
Plant yn rhoi llyfr ar waith
Cafodd disgyblion dosbarth 5 a 6 Ysgol Gynradd Llanfairpwll fodd i fyw yn paratoi ar gyfer dydd Gŵyl Dewi 2007 gyda llyfr newydd Elin Meek, Dathlu Gŵyl Ddewi.
Ac er mai coch yw'r wisg ysgol roedd y dosbarth dan ei sang o felyn a gwyrdd erbyn diwedd y prynhawn!
Am ladd Dewi!
I'w hysbrydoli ar gyfer y gwaith llaw bu i'w hathro, Gethin Thomas, ddarllen Cynllwyn i Ladd Dewi, un o'r hanesion a gynhwysir yn y llyfr, am hanes bywyd ein nawddsant, ac un o'r nifer o hanesion sydd hwyrach heb fod yn hysbys iawn hyd yma.
Dyma un o'r chwedlau rhyfeddaf am Ddewi ac fe gyfareddwyd y plant gan hanes tri mynach drwg yn cynllwynio i wenwyno Dewi ar Sul y Pasg!
Meddai James, 11 oed:
"Mae Mr Thomas wedi bod yn darllen y llyfr i ni a dwi di mwynhau clywed y chwedlau - y rhan fwyaf ohonyn nhw dydw i ddim wedi eu clywed o'r blaen. Dwi'n meddwl mai fy hoff un i ydy hanes Dewi yn aros yng Nglyn Rhosyn adag y tân..."
A dywedodd mai hoff chwedl oeded, "Yr un efo'r bara."
Ychwanegodd Harri, 10 oed:
"Dydy mam a dad ddim yn gwybod lot am ddydd Gwyl Dewi, ond fydda i'n gallu mynd adra a deud y stori wrthyn nhw rwan."
Gwneud cennin pedr
Wedi'r storïo daeth yn bryd arfogi eu hunain gyda selotêp, gliw a phob math o drugareddau gwaith llaw ar gyfer gwneud eu cennin pedr eu hunain trwy ddilyn cyfarwyddiadau lliwgar y gyfrol.
Dathlu Gŵyl Ddewi yw'r ail gyfrol yng Nghyfres Hwyl Gŵyl a daw yn sgil llwyddiant y gyntaf, Dathlu Calan Gaeaf.
Meddai Myrddin ap Dafydd o Wasg Carreg Gwalch
"Fel rhiant fy hun - dwi'n teimlo'i bod hi'n hanfodol bwysig ein bod yn cynnig ymwybyddiaeth o'n traddodiadau, ein harferion a'n hanesion i'r genhedlaeth iau."
Ei obaith gyda Hwyl Gŵyl yw gwneud hynny mewn ffordd ddifyr a diddorol.
"Ac fel rhywbeth y gall rhieni a'u plant, neu ddosbarthiadau ysgol, wneud gyda'i gilydd," meddai.
Mae gan y gyfrol hefyd rywbeth i'w gynnig ar gyfer gweddill y flwyddyn wedi Mawrth 1.
Lluniau o'r diwrnod
 |
Ychwanegwch eich sylwadau i'r dudalen fan hyn:
|
|
|
|
|
|  | |  | |  | |  | | |  Sôn amdanynt
Rhestr o'r holl lyfrau sydd wedi cael sylw ar BBC Cymru'r Byd.
|
|
|
|  | |  | | |  Gair am air:
Detholiad o ddyfyniadau - ydych chi'n gwybod pwy yw'r awdur?
|
|
|
|
|
|
Llyfrau - gwefan newydd
Teulu Lòrd Bach
Petrograd
Lôn Goed
Silff y llyfrau diweddar
Hanner Amser
Deryn Glân i Ganu 
Awduron Cymru
Roger Boore
Nadolig a Rhagfyr 2008
Dolennau defnyddiol