 |
 Dathlu Calan Gaeaf
Cawl gwaed, bwyd bwganod a llawer o hwyl
Coginio cawl gwaed, gwneud bwyd bwganod a diodydd dieflig - do, bu'n ddiwrnod dychrynllyd ym Machynlleth i gyd-fynd â chyhoeddi llyfr Cymraeg newydd am arferion Calan Gaeaf.
Fore Iau, Medi 15 2005 yr oedd disgyblion ysgolion Glantwymyn a Chaersws wedi dod at ei gilydd yn Celtica, Machynlleth, i gael blas ar bob math o ddathliadau Calan Gaeaf yn sgil cyhoeddi Dathlu Calan Gaeaf gan Wasg Carreg Gwalch.
 Roedd y prifardd Myrddin ap Dafydd, perchennog y wasg, yno gyda Malachy Doyle i gynnal gweithdai adrodd straeon a chreu ar lafar gyda'r plant.
Hefyd, yr oedd Ruth Jên, yr artist o Dal-y-bont, Ceredigion, yn cynnal gweithdai crefft Calan Gaeaf.
Mae'r gyfrol newydd yn liwgar ac "yn llawn o hwyl a sbri arswydus" gan gynnwys syniadau sut i fwynhau ias y noson.
"Mae'r gyfrol yn cynnig llawer o weithgareddau i'r plant eu mwynhau," meddai Gordon Jones, golygydd llyfrau plant Gwasg Carreg Gwalch.
 Dywedodd mai hon yw'r gyfrol gyntaf yng nghyfres 'Hwyl Gŵyl' gan Wasg Carreg Gwalch.
"Ynddi, gallant ddysgu sut i wneud Lantern-Pen-Bwgan; sut i goginio cawl gwaed, gwneud bwyd bwganod a diodydd dieflig; pa wisgoedd gwych y gellir eu gwisgo; pa grefftau y gellir eu creu ar gyfer addurno stafell barti a pha gêmau arswyd y gellir eu mwynhau.
 "Mae yma straeon ysbryd; sôn am yr arfer o chwarae triciau; cerddi difyr; disgrifiadau o gêmau afalau traddodiadol.
"Ac hefyd, cawn ddarllen pam fod pawb yn dathlu Calan Gaeaf a sut y dechreuodd y cyfan amser maith yn ôl," meddai.
Yn y cyswllt hwnnw, ychwanegodd fod gŵyl Calan Gaeaf a'i holl weithgareddau o dynnu coes a dychryn yn rhywbeth sy'n llawer hŷn na'r chwarae 'lol neu lwc' sydd wedi croesi'r Iwerydd yn ôl yma o'r America yn ddiweddar.
 Dathlu Calan Gaeaf, Celebrating a Celtic Halloween. 64 tudalen o hwyl a dehongli. Golygydd: Gordon Jones, pris £6.95
Gwybodaeth ar Gwales Cliciwch
 |
Ychwanegwch eich sylwadau i'r dudalen fan hyn:
|
|
|
|
|
|  | |  | |  | |  | | |  Sôn amdanynt
Rhestr o'r holl lyfrau sydd wedi cael sylw ar BBC Cymru'r Byd.
|
|
|
|  | |  | | |  Gair am air:
Detholiad o ddyfyniadau - ydych chi'n gwybod pwy yw'r awdur?
|
|
|
|
|
Llyfrau - gwefan newydd
Teulu Lòrd Bach
Petrograd
Lôn Goed
Silff y llyfrau diweddar
Hanner Amser
Deryn Glân i Ganu 
Awduron Cymru
Roger Boore
Nadolig a Rhagfyr 2008
Dolennau defnyddiol